BŪMI BWA BENE KIDISHITU

Kwasha Bantu Kebadipo mu Bipwilo Bayuke Umpangi Wabo

VUMIJA MU

Le wikakanga kusapwila bantu kebadipo mu bipwilo na kulanga’mba kebasapo kusangela musapu? Shi i amo, vuluka’mba bantu bavule kebadipo mu bipwilo—kubadila’mo ne bantu batuna kwikala’ko kwa Leza—baikele ke Batumoni ba Yehova. Bavule bene mu bano, badi basakilwa’tu bukwashi butyetye bwa kwibakwasha babandaule bukamoni bulombola kwikala’ko kwa Leza.—Lo 1:20; 10:14.

TALAI VIDEO, VULUKA’MBA—BANTU BAMPIKWA LWITABIJO BABWANYA KWIKALA NA LWITABIJO! —BANTU KEBADIPO MU BIPWILO, KUPWA LONDOLOLAI KINO KIPANGUJO:

Le bintu byemwenine Tommaso bibakukwasha namani wikale na mumweno muyampe pa mwanda utala kusapwila boba kebadipo mu bipwilo?

Malondololo obe

Mwa kulongela

Shi muntu wanena’mba kakulupilepo mudi Leza, ikala na kanye ne na bunwa, kadi lombola’mba utele bya binebine mutyima milangwe yandi ne mwiivwanino wandi pa uno mwanda. (2Tm 2:24) Mwisambilei pa myanda yomona’mba isa kumusangaja. Le witabijanga kwisambila pa bubinga bwine ke bulengeje bavule bakulupile mudi Umpangi? Shi i amo, ingidija mabuku ne mavideo alupwilwe mwanda wa kukwasha bantu bakulupile mudi Umpangi. Boloshile La vie a-t-elle été créée ? ne Cinq questions à se poser sur l’origine de la vie i mabwejibwe mu Bingidilwa Byetu bya Kufundija Nabyo mwanda wa tupēlelwe kwiasokola.

Dibajinji, padi ubwanya kwikaka kusapwila muntu kakulupilepo mudi Leza bubine. Ubulwepo kulomba bukwashi kudi musapudi wa bwino? Kadi vuluka’mba, Yehova ubwanya kwitukwasha tutenge mityima ya boba badi na mutyima muyampe—nansha shi kebakulupilepo amba udi’ko.—Bil 13:48.

KABUKU KA KU KUPWILA BŪMI NE MWINGILO