CHIYOYELO CHAVAKA-KULISHITU

Kafwenu Vatu Vaze Kavapwa Vaka-Kwitavako Vatachikize Tengi Yavo

PUTUKA KWIMBISA

Kutala mwakakasanaho lyehi kwambulila vatu vaze kavapwa vaka-kwitavako mwomwo yakushinganyeka ngwenu kaveshi kumivwililako tahi? Nge mukiko, kaha tachikizenu ngwenu vatu vaze kavapwa vaka-kwitavako kuhakilako navaze kavafwelela ngwavo Kalunga katwamako, vali nakwalumuka nakupwa Vinjiho jaYehova. Vatu kana veji kusakiwanga kaha unjiho waundende wakuvakunyula vetavile ngwavo Kalunga kwatwama.—Lom 1:20; 10:14.

TALENU VINDIYO YAKWAMBA NGWAVO, TACHIKIZENU NGWENU VATU VAKUHONA LUFWELELO VANAHASE KUPWA NALUFWELELO—VATU VAZE KAVAPWA VAKA-KWITAVAKO, KUFUMAHO KUMBULULENU CHIHULA CHINAKAVANGIZAHO:

Uno chakutalilaho chaTommaso nachimikafwa ngachilihi mwambulilenga vatu vaze kavapwa vaka-kwitavako?

Kumbululenu

Mwakulingila ngocho

Nge mutu mwamilweza ngwenyi kafwelela muli Kalungako, kaha musolwelenu likoji, nakupwa vakuvanguluka nakufwila kutachikiza vishinganyeka vyenyi hachihande kana. (2Ch 2:24) Shimutwilenu nenyi havihande vize navimukwata kumuchima. Kutala mwetavila mushimutwile haunjiho uze unakafwe vavavulu vafwelele ngwavo Tengi kwatwama tahi? Nge mukiko, kaha zachisenu mikanda najivindiyo vize vyahanjika hachihande kana. Hachihanda chaVinoma vyaKuzachisa haKunangula chamuChingeleshi vanahakilaho mbuloshuwa yaWas Life Created?, neyi yaThe Origin of Life—Five Questions Worth Asking mangana vatu vajiwanenga washi.

Hakavanga pamo chinahase kumikaluhwila kushimutwila namutu uze kafwelela muli Kalungako. Kaha lwezenuko muka-kwambulula wakwipangweji amikafwe. Tachikizenu ngwenu, Yehova nahase kutukafwa twambulile vatu vamichima yamwaza, numba tuhu hakavanga kavafwelelele ngwavo Kalunga kwatwamako.—Vil 13:48.

MUKANDA WAKUKUNGULUKA CHIYOYELO NAMULIMO WAVAKA-KULISHITU