DAU SOO LEEWE AS JËSUS

Help dai lüür wat kain kirch häwe God kenelëre

SPEELA

Häst wust duu ni tau air mësch preegt wat kain kirch har weegen duu dacht häst dai wul dij ni hööre? Wen jå, denk ais dat feel lüür wat kain kirch hare, un sogår lüür wat ni an God glööwe däire, sin Jehovaas Tüügen woore. Mëstümer, wat eer hulpe hät is dai daile nåsaie wat wijse dat air God giwt. (Rom 1:20 un 10:14)

KIJK DER VIDEO “DAU ANDENKE: LÜÜR ÅNE GLOOBE KOINE GLOOBE KRIJGE! - LÜÜR ÅNE KIRCH”. NÅHEER, DAU ANTWOORE:

Wosoo helpt dij wat Tommaso beleewt hät preege tau lüür åne kirch?

Geew dijn antwoord

Wat kast duu måke?

Wen air mësch sägt dat kair God giwt, dau gaurigkët wijse, fortel mit schik un wijs dat’s duu dij ankëre däist oiwer dat wat dai mësch denkt un fornimt. (2 Tim 2:24) Fortel oiwer daile wat der mësch nijglig låte koine. Wen dai mësch waite wil woweegen wek lüür anfånge häwe glööwe dat air God giwt wat ales måkt hät, benuts dai buiker un videos wat dårtau trechtmåkt woore sin. Dai dün buiker “Fon woo kümt dat leewend heer? - Fijw frågen wat wij antwoore muite” un “A Vida - Teve um Criador?” daue nuu tauhööre tau oos “Hülps taum Inlëre” dat wij dai lichter benutse koine.

Kan sin, im anfang, duu häst angst taum fortele mit air mësch wat ni an God glööwt. Woweegen däist duu ni hülp forlange tau air wat gaud preegt krijgt? Denk uk dat Jehovaa kan oos helpe der härts anstööte fon dai wat mër waite wile, nog dat im anfang sai ni an God glööwe daue. (Atos 13:48)

DAU LEEWE UN INLËRE SOO AS JËSUS - BLÄÄRER TAUM DIJ LËRE HELPE