MATINEMIKAN KEN CRISTO

Xkinpaleui akin xkipiyaj inreligión makixmatikan akin otexchijchiuj

REPRODUCIR EN

¿Kemantika xotiknojnots yakaj akin xkipiya ireligión pampa otiknemili ika xmitskakis? Tla kema, xkilnamiki ika miyekej akin aman iteixpantijkauan Jehová, yeuejkaui xkipiayaj inreligión noso hasta xtlaneltokayaj itech toTajtsin. Miyekpa, san nonekiya ika yakaj makimititi itlaj tlen teasikamachiltia ika kema nemi toTajtsin (Ro 1:20; 10:14).

XKITAKAN VIDEO XKILNAMIKI: AKIN XTLANELTOKAJ UELIS TLANELTOKASKEJ. AKIN XTLANELTOKAJ ITECH TOTAJTSIN, SAKIN XNANKILIKAN YEJUIN:

¿Kenon tlen ipan onochiuj Tommaso mitspaleuiya xkinnojnotsa akin xkipiyaj inreligión?

Ken titlanankiliskia

Kenon uelis tikchiuas

Tla tiknextia yakaj akin xtlaneltoka itech toTajtsin, kuajli xnotsa, xtlakaita niman xkauili mamitsijli tlenon kinemilia niman tlenon kimachilia (2Ti 2:24). Xtlajto itech tlen kuelitas kimatis. ¿Akin tiknojnotstika kineki kimatis tlen kiteititia ika kema nemi yakaj akin otexchijchiuj? Kuakon, xkintekitilti amatlajkuiloltin niman videos tlen onochijchiujkej para akin xtlaneltokaj itech toTajtsin. Amatlajkuiloltin ¿Es la vida obra de un Creador? niman El origen de la vida. Cinco cuestiones dignas de análisis onotlalijkej kampa onka Tlen ika titemachtiaj para nimantsin tikinnextis.

Kanaj kachtopa, timomojtis tiknojnotsas yakaj akin xtlaneltoka itech toTajtsin. Tla ijkon mopan nochiua, xkijli mamitspaleui se tokniuj akin youejkauj tenojnotsa. Niman maka xkilkaua: Jehová uelis mitspaleuis xajsi ipan inyojlo akin kinekij kixmatiskej maski amantsin xkineltokaj tla nemi toTajtsin (Hch 13:48).