KUKHALA NA MOYO WACIKRISTAU

Thandizani Wanthu Omwe Ambanamata Lini Kuti Amudziwe Mulungu

Imbisani

Kodi imwepo mudalangalira kale kupalizira wanthu omwe ambanamata lini thangwe ra kukumbuka kuti angafune lini kukutetekerani? Penu n’tenepo, kumbukirani kuti wanthu omwe ambanamata lini ambabvuma cadidi acikhala Mboni za Yahova. Kazinji-kazinji, bzomwe bzimbafunikira ni kuwalatiza umboni bwakuti Mulungu alipo. — Aro 1:20; 10:14.

ONANI VIDIYO YA MSOLO WAKUTI KUMBUKIRANI KUTI — WANTHU WAKUSAYA CIKHULUPIRO ANGAKHALE NA CIKHULUPIRO! — WANTHU OMWE AMBANAMATA LINI, MUKAMALA BVUNZANI ABVESERI KUTI:

Kodi bzomwe Tommaso adacita bzingakuthandizeni kuti mumbawawone tani wanthu omwe ambanamata lini?

Mtawiro wanu

Momwe mungacitire

Munthu akalewa kuti ambakhulupira lini Mulungu, khalani wakudeka mtima ndipo lekani kukumbuka kuti iye alibe nzeru zabwino thangwe ra kukumbuka tenepoyo. (2Ti 2:24) Cezani naye nkhani zomwe iye angakomedwe nazo. Kodi iye akufuna kuceza nkhani zakulatiza kuti pana wanthu azinji omwe akhakhulupira lini Mulungu ndipo tsapano ambamukhulupira? Penu akufuna, phatisani basa mavidiyo na mabukhu yomwe yadakonzedwera wanthu wa mtundu umweyu. Mabroxura yakuti Kodi Zamoyo Zinachita Kulengedwa? na Mmene Moyo Unayambira — Mafunso Ofunika Kwambiri tsapano yambabwerambo pa mbali ya Bzinthu Bzomwe Timbapfunzisira kuti tipusidwe kuyagumana tikayafuna.

Pakuyamba, pinango imwepo mungawone ninga kuti bzingathandize lini kuceza nkhani za Mulungu na munthu omwe ambakhulupira lini Mulunguyo. Kuti bzikupusireni, mungakumbire mpalizi wa luso kuti akuthandizeni. Kumbukiranimbo kuti Yahova angakucitiseni kuthandiza wanthu omwe ana mitima yabwino napo kuti pakuyamba iwo akhakhulupira lini kuti iye alipo. — Mab 13:48.

KABUKHU KA MITSONKHANO KA MOYO WATHU WACIKRISTAU NA UTUMIKI