MOYO WATHU WACHIKHRISITU

Thandizani wanthu womwe atumikiralini kudziwa Mulengi wawo

IMBISANI

Ko imwepo muzeza kulalikira wanthu womwe apempheralini pakuganiza kuti angabveserelini? Peno vili teno mbakumbukirani kuti, wanthu azinji womwe apempheralini kuphatanidzapo anango womwe achakhulupiriralini kuti Mulungu aliko, angakhale Mboni za Yahova. Nthawe zizinji achadekana kuthandiziwa kufagafaga umboni woonesa kuti Mulungu aliko.—Aro 1:20; 10:14.

NYANG’ANIRANI VIDIYO YAKUTI, DZIWANI KUTI—WANTHU WOMWE ALIBE CHIKHULUPIRIRO ANGAKWANISE KUKHALA NACHO!—WANTHU WOSAPEMPHERA, PATSOGOLO PAKE DAWIRANI MBVUNZO UYU:

Ko chitsanzo cha Tommaso chingakuthandizeni tani kulalikira wanthu womwe apempheralini?

M’dawiro wanu

Vomwe mungachite

Peno munthu waonesa kuti akhulupiriralini Mulungu, khalani okoma ntima, wanzeru na wodekha pa kumubvesera pa nkhani yomwe iye ankufotokoza. (2Ti 2:24) Kambiranani naye nkhani zomwe zingamufike pa moyo. Ko ankuonesa chidwi kuti mungakambirane naye nkhani zinango zomwe zichachitisa wanthu kukhulupirira Mulengi wathu? Peno nteno, phatisani basa vofalisa na mavidiyo yomwe yangathandize pa nkhani mweyi. Kabulosha ninge Kakuti Kodi Zamoyo Zinachita Kulengedwa? Na kakuti Mmene Moyo Unayambira — Mafunso Ofunika Kwambiri, yayikhiwa pa saiti yathu mu njira yosachupa kuyagumana.

Pakuyamba, vingakhale voshupa kuti mukambirane va chonadi na munthu yemwe akhulupiriralini kuti kuna Mulungu. Tani kukumbira wofalisa wabuya kuti akuthandizeni? Ndipo mwapa, mbakumbukirani kuti Yahova akuthandizeni podiya kuti pakuyamba ambakhulupiriralini kuti Mulungu alipo.—Mac 13:48.

NDANDANDA YA MISONKHANO YA UTUMIKI NA MOYO WATHU WACHIKHRISITU