ALI CAWANAPAJ

Bibliapita yachacuyta mana munajcunata yanaparcuy Jehovata reguinanpaj

GALAYCACHINAPAJ

¿Diospita yachachicuycar imaylapis nishcanquichu, ‘chay wasichoga pilapis Bibliapita yachacuyta munanchu’ nir? Ali yarpachacuptinchega cuentata gocunchi, achcajcunami Jehovapa testigunman ticrashga unaycho Bibliaman mana yäracärishga carpis o ‘nogapäga Dios canchu’ nishga carpis, paycunata ichicla yanaparcuptinchi yachacur galaycushga (Ro 1:20; 10:14).

CAY VIDEUTA RICÄRIY: YARPAY: DIOSMAN MANA YÄRACOJCUNAGA YÄRACUR GALAYCUNMANMI. BIBLIAPITA YACHACUYTA MANA MUNAJCUNA. NIRCUR CAY TAPUCUYPITA PARLACAMUY:

¿Imatataj yachacunqui Tommaso jutiyoj cristianupita gampis Bibliapita yachacuyta mana munajcunata Diospita parlapänayquipaj?

Guelgarcuy

Alichi canman cayta ruraptiqui

Pipis nishuptiqui ‘nogaga Bibliapita yachacunäpaj yarpaylapis yarpächu’ y ima nishushgayquitapis shumaj wiyaycuy (2Ti 2:24). Ima yachacuyta munashganpita parlapay. ¿Chay runaga ali shongulanwancu waquincuna imanir Diosman creishganta yachacuyta munan? Chayno captenga caycanmi publicaciuncunapis videucunapis shumaj yachachicunayquipaj. ¿Es la vida obra de un Creador? y El origen de la vida. Cinco cuestiones dignas de análisis nishgan folletucunaga cananga amänula tarinayquipaj yachachicunapaj cajchomi yurimunga.

Predicashgayqui hora ‘Diosman creëchu’ nej runawan tupacar imarga, alichi canman unayna Diospita yachachicoj hermanuwan parlapacuriptiqui yanapäshunayquipaj. Ama gongaychu Jehovaga yanapayculäshunquimanmi, ali shonguyoj runacunata tarinayquipaj canan hora ‘Diosman creëchu’ niycaptinpis (Hch 13:48).