DIOSNINTSIKTA ALLI SIRWINAPAQ

Mana religionyoq nunakunata yanapashun Diosta reqiyänampaq

KICHË

¿Imëllapis mantsarqunkiku mana religionyoq nunata Diospita parlapëta? O ¿mana wiyashunëkipaq kaqtaku pensarqunki? Tsëqa këta yarpë: kananqa tsënö nunakunam mëtsikaq Jehoväpa testïgunna kayan. Pëkunaqa manam religionyoq nunatsu kayarqan, y wakinnäqa manam Diosmampis creiyaqtsu. Tsënö karpis, Dios rasumpa kanqanta rikätsikoq pruëbakunata yachatsiyänanllatam necesitäyashqa (Ro 1:20; 10:14).

MANA MARKÄKOQKUNAPIS MARKÄKÏTA PUËDIYANMI: MANA RELIGIONYOQ KAQKUNA NEQ VIDEUTA RIKÄRIR, KËTA CONTESTË:

¿Imanötan Tommäsuta pasanqanqa yanapamantsik mana religionyoq nunakunata yachatsinapaq?

Respuesta

¿Imanötan yachatsishwan?

Diosman mana creeq nunawan parlarqa, shumaq y yachëllapam parlapänantsik. Imata pensanqanta y imanö sientikunqanta willamashqaqa shumaqmi wiyanantsik (2Ti 2:24). Imapaq parlakuyta munanqampaq parlapäshun. ¿Munanmantsuraq Diosnintsik kanqanta rikätsikoq pruëbakunata yachakuyta? Wakinqa tsëkunata yachakurirmi Diosman creikur qallayashqa. Tsënö nunakunata yachatsinapaq yarqamushqa librukunata, follëtukunata y videukunata utilizäshun. Kananqa, ¿Es la vida obra de un Creador? y El origen de la vida. Cinco cuestiones dignas de análisis neq follëtukunaqa yachatsikunapaq dispunishqa kaqkunachömi yurimushqa raslla tarinapaq.

Diosman mana creeq nunakunata ni imëpis mana parlapashqa karqa capaz qallananchöqa mantsakunki. Tsëqa unëpana alli yachatsikoq wawqita o panita yanapashunëkipaq mañakuy. Yarpäshun, Diosman mana creeqkunatapis alli shonquyoq kayaptinqa Jehoväqa yanapëta puëdinmi pëta reqiyänampaq (Hch 13:48).