DIOSPAQ HINA KAWSANAPAQ

Mana religionniyuq runamasinchiktayá yanapasun Jehova Diosta riqsinankupaq

QALLARINMANMI

Ichapas mana religionniyuq kaq runakunata tarirqanki hinaspa Diosmanta mana willarqankichu mana uyarisunaykita piensaspayki. Chaynata piensaspaykiqa yuyariwaqmi, wakin iñiqmasinchikkunapas ñawpaqtaqa chayna mana religionniyuq utaq Diospi mana creeq kasqankuta. Paykuna hinam kunanpas achka runakuna kachkanku Jehova Dios kasqanmanta sumaqta entiendeykachinallapaq (Ro 1:20; 10:14).

MANA IÑIYNIYUQKUNAPAS IÑIYNIYUQMI KANMANKU: DIOSPI MANA IÑIQ RUNAKUNAMANTA, SUTIYUQ VIDEOTA QAWARUSPA, KAY TAPUKUYMANTA RIMARIY:

¿Yanapawanchikchu iñiqmasinchik Tommasomanta yachasqanchik mana religionniyuq runamasinchikkunaman Diosmanta willakunapaq?

Qillqanapaq

¿Imaynatam ruwachwan?

Diosmanta willakusqanchikpi paypi mana creeq runakunawan tuparuspanchikqa kuyakuyllawanmi rimapayananchik, hinaspapas sumaqtam uyariykunanchik imanasqa chayna piensasqanmanta willawasqanchikta (2Ti 2:24). Paykunawanqa rimachwanmi imapas yachay munasqankumanta. Sichum chay runa Diosninchik unanchawaqninchik kasqanmanta yachayta munan hinaptinqa, chaypaq ruwasqa qillqanchikkunawan utaq videonchikkunawanmi yachachichwan. Chay qillqakunamanta wakinmi ¿Es la vida obra de un Creador? hinaspa El origen de la vida. Cinco cuestiones dignas de análisis sutiyuq qillqakuna, chay qillqakunaqa castellano rimaypim kachkan.

Yaqapas qallariypiqa Diospi mana creeq runakunawan rimaytaqa manchapakuchwan. Chayna kaptinqa Diosmanta unayña willakuq iñiqmasinchikta nisun yanapawananchikpaq. Jehova Diosqa yanapawasunmi llampu sunqu runakunata tarinanchikpaq, paykuna Dios mana kasqanta piensaptinkupas (Hch 13:48).