TË JETOJMË SI TË KRISHTERË

Ndihmoji njerëzit jofetarë të njohin Krijuesin e tyre

LUAJ

A ke ngurruar ndonjëherë t’u japësh dëshmi njerëzve jofetarë me mendimin se nuk do të të dëgjojnë? Nëse po, mos harro se shumë njerëz jofetarë, përfshirë ateistë, janë bërë Dëshmitarë të Jehovait. Shpesh, gjithçka që u nevojitej ishte pak ndihmë për të shqyrtuar prova se Perëndia ekziston.—Ro 1:20; 10:14.

SHIHNI VIDEON MOS HARRONI—NJERËZIT PA BESIM MUND TË ZHVILLOJNË BESIM!—NJERËZIT JOFETARË, DHE PASTAJ PËRGJIGJJUNI PYETJES SË MËPOSHTME:

Si të ndihmon eksperienca e Tomazos që të kesh një pikëpamje pozitive kur u dëshmon njerëzve jofetarë?

Përgjigjja

Si ta arrish

Nëse dikush thotë se nuk beson në Zot, tregohu miqësor e me takt dhe shfaq interes të sinqertë për mendimet e ndjenjat e tij. (2Ti 2:24) Trajto tema që mund t’i interesojnë. A është i gatshëm të bisedojë për provat që i kanë bindur shumë veta të besojnë te një Krijues? Nëse po, përdor botimet dhe videot e përgatitura për këtë qëllim. Broshurat A u krijua jeta? dhe Origjina e jetës: Pesë pyetje që ia vlen t’i bësh janë shtuar në Çantën e mjeteve mësimore që t’i përdorësh më kollaj.

Në fillim mund të të trembë ideja të flasësh për të vërtetën me dikë që nuk beson te Perëndia. Pse të mos i kërkosh ndihmë një lajmëtari me përvojë? Mos harro edhe që Jehovai mund të na ndihmojë të prekim zemrat e atyre që janë të prirur për jetën e përhershme—ndonëse fillimisht nuk besojnë në ekzistencën e tij.—Ve 13:48.