PHELA JWALO KA MOKRESTE

Thusa Batho ba sa Dumeleng ho Modimo ho mo Tseba

E Bapale

Na o ye o utlwe o tshaba ho bua ka Bibele le batho ba sa dumeleng ho Modimo hobane o nahana hore ba ke ke ba mamela? Haeba ho jwalo, hopola hore batho ba bangata ba neng ba sa dumele ho Modimo ho akareletsa le ba neng ba sa dumele hore o teng e ile ya eba Dipaki tsa Jehova. Maemong a mangata seo ba neng ba se hloka ke ho ithuta bopaki bo ba kgodisang hore Modimo o teng.—Bar 1:20; 10:14.

SHEBELLANG VIDEO YA HOPOLA HORE BATHO BA SE NANG TUMELO BA KA BA LE YONA—BATHO BAO ESENG BADUMEDI EBE LE ARABA POTSO E LATELANG:

Se etsahalletseng Morabo rona Tommaso se o thusa jwang hore o nolofallwe ke ho bua ka Bibele le batho ba sa dumeleng ho Modimo?

Karabo ya hao

Ka moo o ka etsang sena ka teng

Ha o bua le motho ya sa dumeleng ho Modimo, eba mosa, o be bohlale mme o bontshe hore o amehile ka hore na ke hobaneng ha a ikutlwa jwalo ka taba eo. (2Ti 2:24) Bua ka dintho tse ka hapang thahasello ya hae. Na o a dumela hore le buisane ka bopaki bo kgodisitseng batho ba bangata hore Modimo o teng? Haeba ho jwalo, sebedisa dingolwa le divideo tse reretsweng ho thusa batho hore ba dumele hore Modimo o teng. Dibukana tse kang Na Lintho Tse Phelang li Bopiloe? le The Origin of Life—Five Questions Worth Asking di kentswe ka hara Dithulusi Tsa ho Ruta e le hore di ka fumaneha ha bonolo.

Ka dinako tse ding o ka tshaba ho pakela motho ya sa dumeleng ho Modimo. Kopa thuso ho mohweletsi ya nang le boiphihlelo. Hopola hore Jehova a ka o thusa ho finyella dipelo tsa batho ba thahasellang ho ithuta ka yena le haeba qalong ba ne ba sa dumele hore o teng.—Dik 13:48.