BUIKAZI BWA MUKRISTU

Bakwasie Bantu Basiizi Kupoozako Maano ku Bintu bya Diini, Bafikiile Kumumana Kabumba Wabo

PLAY

Eba, weewe waandiluepo kale kubasimikila bantu watontonkania nangue te baviinda kukutuilizia? Kine ni evio, languluka nangue bantu bengi basiizi kupoozako maano ku bintu bya diini, ni baalia bazumiine nangue Leeza taliiko, bali bafikiila kwaluka Bakasininkizia Bakue Yehova. Liingi, bali baikala bakebele bakwasiiwesie kakaniini, eevi batoosie bintu bilangiliile nangue Leeza kwali.—Bar 1:20; 10:14.

MONE VIIDEO ILANDILE LANGULUKA NANGUE—BANTU BASILI NA KIKETEKELO KUNTI BAALUKA NAKIO!—BANTU BASIIZI KUPOOZAKO MAANO KU BINTU BYA DIINI. KISIA, ASUKE KIIPUZIO KILI PAAPA PENSINA:

Mufuano wakue lupua Tommaso, wakukwasia siani weewe palua kubasimikila bantu basiizi kupoozako maano ku bintu bya diini?

Kyasuko kyobe

Kubakwasia siani?

Kine muntu walanda nangue azumiine nangue Leeza taliiko, weewe uye waweeme, wali ni mukinzi, ni kulangilila paswetele nangue upoozeleko saana maano ku malanga akue ni vieyunvuile palua keelia kyazumiine. (2Tim 2:24) Londolola nakue lyasi leelia limwenekele nangue paange lili kumusaansamusia. Eba, ali watona kulondoluela bintu beelia bili byabasininkiziizia bantu bengi bazumine nangue kuli ni Kabumba? Kine ali watona, bombia mpapulo ni ma viideo alondoluele bebio bintu. Ma broshua Uhai—Ulitokana na Muumba? ni Vitu Vyenye Uzima Vilianza Namna Gani?—Maulizo 5 ya Kujiuliza, aongeziiziwe ku Biombo Byetu bya Kusambiliziiziako eevi aye aleengele kuabombia.

Ku ntendeko, kunti watiina kumubuilako kisinka muntu olia azumine nangue Leeza taliiko. Wamona siani kine wamubuilako kasimika ali ni kibeelezio eevi akukwasie? Kabili, languluka nangue Yehova kunti watukwasia eevi tukumie mitima ya baalia batonene kumana kisinka, atasie kine ku ntendeko balangilila nangue te bazumiine nangue Leeza kwali.—Miil Bat 13:48.

LIBUKU LYA KULONGHAANA KWA MIILO NI BUIKAZI