MORIS NUʼUDAR EMA KRISTAUN

Ajuda ema neʼebé la iha fiar atu hatene kona-ba Kriadór

LOKE

Dala ruma Ita dada an ka lae, atu haklaken ba ema neʼebé la fiar Maromak tanba hanoin katak sira sei la interese? Se nuneʼe, hanoin-hetan katak ema barak neʼebé la fiar Maromak mós bele sai Testemuña ba Jeová. Baibain buat neʼebé sira presiza mak ita-nia ajuda hodi esplika evidénsia katak Maromak iha duni.—Rom 1:20; 10:14.

HAREE VÍDEO HANOIN-HETAN, EMA FIAR-LAEK BELE SAI FIAR-NAʼIN—EMA NEʼEBÉ LA IHA RELIJIAUN, DEPOIS HATÁN BA PERGUNTA TUIRMAI:

Oinsá mak Tommaso nia esperiénsia ajuda ita atu iha hanoin pozitivu kona-ba haklaken ba ema neʼebé la fiar Maromak?

Ita-nia resposta

Oinsá atu halo ida-neʼe

Se ema ida dehan katak nia la fiar Maromak, ita presiza hatudu laran-diʼak, matenek, no interese ba buat neʼebé nia hatete no hanoin. (2Ti 2:24) Koʼalia hamutuk kona-ba tópiku neʼebé kona ninia laran. Nia hakarak ka lae, koʼalia hamutuk kona-ba evidénsia sira neʼebé ajuda ona ema barak atu fiar ba Kriadór? Se nuneʼe, uza publikasaun no vídeo sira neʼebé temi kona-ba pontu neʼe. Ita bele uza broxura Moris Hotu Mosu Mesak Deʼit ka lae? husi ita-nia ekipamentu hanorin nian atu koʼalia ho sira.

Foufoun, karik ita dada an atu haklaken ba ema neʼebé la fiar Maromak. Se nuneʼe, Ita bele husu ajuda husi haklaken-naʼin ida neʼebé iha esperiénsia. Hanoin-hetan bá katak Jeová bele ajuda ita atu koʼalia iha dalan neʼebé book ema nia laran—maski foufoun sira la fiar katak Maromak iha duni.—Aps 13:48.

MORIS KRISTAUN NO HAKLAKEN PROGRAMA NO NOTA