LU A IEREN I ORKRISTU

Wase Mba Ve Ne Aôndo Jighjigh Ga la Ve Fa Un u A Gbe Ve La

KUHWA

Ma shighe ngu u yange u zua a or u nan ne Aôndo jighjigh ga, maa u kure ikyaa wer u pase nan kwagh kpa nana ungwa ga yô? A lu nahan yô, umbur wer mbacivir Aôndo ga kpishi hingir Mbashiada mba Yehova, kua mba yange ve na jighjigh ér Aôndo ngu ga la kpaa. Ashighe kpishi ka i gba u a wase ve vea nenge a akav a a tese ér Aôndo ngu la.—Ro 1:20; 10:14.

NENGE VIDIO I FA WER MBA VE BAN A JIGHJIGH LA KPA VEA FATYÔ U LUN A JIGHJIGH! —MBACIVIRAÔNDO GA LA, MAA NA MLUMUN SHA MPIN U A DONDO NE:

Ikyav i Tommaso la i wase u u lun a mnenge u vough shighe u u lu pasen mbaciviraôndo ga la kwagh nena?

Mlumun wou

Er u er kwagh ne yô

Aluer or kaa ér nan na Aôndo jighjigh ga yô, er kwagh sha kwaghfan shi lam a nan kundu kundu shi tese wer kwagh u nan gba ishima shighe u ne lu lamen sha itinekwagh shon yô. (2Ti 2:24) Lam a nan sha atineakaa a a doo nan yô. A doo nan u fan atôakaa a aa wase mbagen u nan jighjigh ér Aôndo ngu u a gbe akaa yô? Aluer ka nahan yô, na nan ityakeda gayô tese nan uvidio mba i er sha u wasen amba a ior ne la. Antakeda u ken zwa buter u Was Life Created? man u The Origin of Life—Five Questions Worth Asking la kpa i wa ve ken Akaa a Se Eren Tom a Mi u Tesen Ior Mimi la sha er a lu ican u zuan a ve ga yô.

Sha hiihii la, alaghga a cier we iyol u pasen or u nan ne Aôndo jighjigh ga la mimi u Bibilo. Aluer ka nahan yô, pine orpasenkwagh u nan vie ken jijingi yô nana wase u. Shi umbur wer Yehova una wase se, se pase mba ve lu a ishima i mimi la kwagh sha gbenda u a kôr ve ken ishima yô, aluer ve na Aôndo jighjigh ga je kpaa.—Aer 13:48.

UMA WASE U MBAKRISTU MAN TOM WASE—ANTAKERADA U MKOMBO