MAHANYELO YA VAKRESTE

Pfuna Vanhu Lava Nga Ngheniki Kereke Leswaku Va Tiva Muvumbi Wa Vona

TLANGA

Xana u tshame u kanakana ku chumayela vanhu lava nga ngheneki kereke, u ehleketa leswaku a va nge anguli kahle? Lokoswiritano, tsundzuka leswaku vanhu vo tala lava nga ngheniki kereke, lava katsaka lava nga tshembiki leswaku Xikwembu xi kona va ve Timbhoni ta Yehovha. Hakanyingi, lexi a va xi lava ntsena a ku ri ku pfuniwa va kambisisa vumbhoni bya leswaku Xikwembu xi kona.—Rhm 1:20; 10:14.

HLALELANI VHIDIYO LEYI NGE, TSUNDZUKA—VANHU LAVA NGA RIKI NA RIPFUMELO VA NGA VA NA RONA!—VANHU LAVA NGA NGHENEKI KEREKE, KUTANI MI HLAMULA SWIVUTISO LESWI LANDZELAKA:

Xana mhaka ya Tommaso yi nga ku pfuna njhani leswaku u va ni langutelo lerinene loko u chumayela vanhu lava ngheniki kereke?

Nhlamulo ya wena

Ndlela leyi u nga swi endlaka hayona

Loko munhu a vula leswaku a nga pfumeli eka Xikwembu, vana ni musa, vuxiyaxiya u tlhela u kombisa ku tsakela eka leswi a swi vuleke ni ndlela leyi a titwaka hayona hi mhaka yoleyo. (2Tm 2:24) Bulani hi tinhlomhaka leti nga ta n’wi tsakisa. Xana u tiyimiserile ku bula hi vumbhoni lebyi endleke vanhu vo tala va tshemba leswaku ku ni Muvumbi? Lokoswiritano, tirhisa mikandziyiso ni tivhidiyo leti endleriweke xikongomelo xexo. Broxara leyi nge, Xana Swilo Leswi Hanyaka Swi Lo Tumbuluxiwa? ni leyi nge, The Origin of Life—Five Questions Worth Asking ti katsakiwe eka xiyenge xa hina lexi nge, Switirhisiwa Swo Pfuneta Ku Dyondzisa leswaku ti ta kumeka hi ku olova.

Eku sunguleni, u nga ha kanakana ku chumayela munhu loyi a nga tshembiki leswaku Xikwembu xi kona. Hikwalahokayini u nga kombeli muhuweleri la nga ni ntokoto leswaku a ku pfuna? Tsundzuka leswaku Yehovha a nga ku pfuna u khumba timbilu ta vanhu lava kombiseke leswaku va lava ku kuma vutomi hambiloko eku sunguleni a va nga tshembi leswaku u kona.—Mi 13:48.

MAHANYELO NI NTIRHO WA HINA WO CHUMAYELA–XIBUKWANA XA NHLENGELETANO