OBWOMEEZI BWAITU NK’ABAKRISTAAYO

Konyera Abantu Abatali Banyadiini Kumanya Omuhangi Wabo

TEKAHO

Okira kutiina kutebeza abantu abatali banyadiini n’otekereza ngu tibarukwija kuhuliiriza? Obukiraaba nukwo kiri, ijuka ngu abantu baingi abatali banyadiini otwaliiremu n’abatarukwikiririza omuli Ruhanga bafookere Bakaiso ba Yahwe. Ekintu ekibaali nibetaaga nubwo obukonyezi buke obwakubakonyiire kwekebiija obwakaiso oburukwoleka ngu Ruhanga aroho kwo.—Bar 1:20; 10:14.

MUROLE VIDIYO IJUKA NGU—ABANTU ABATAINE OKWIKIRIZA NIBASOBORA KUKUTUNGA!—ABATAINE DIINI, HANYUMA MUGARUKEMU EKIGUZO KINU:

Ekyokurorraho kya Tommaso kikukonyiire kita kuba n’entekereza ey’ehikire obukirukuhika ha kutebeza abantu abatali banyadiini?

Eky’okugarukamu kyawe

Omulingo osobora kukikoramu

Kakuba omuntu ayoleka ngu tarukwikiririza omuli Ruhanga, omu mulingo ogw’embabazi kandi ogw’amagezi, yoleka ngu notekamu ekitiinisa entekereza n’enyehurra ze. (2Tim 2:24) Bazaaho ensonga ezisobora kumusemeza. N’agonza kumanya obwakaiso obuleetiire baingi kwikiririza omu Muhangi? Obukiraaba nukwo kiri, kozesa ebitabu na vidiyo ebiteekaniziibwe habw’ekigendererwa eki. Burocuwa Was Life Created? na The Origin of Life—Five Questions Worth Asking zongiirwe ha kicweka Ebikwato Byaitu Ebitukozesa Kwegesa nukwo kitwanguhire kuzitunga.

Ha kubanza, n’osobora kutiina kutebeza omuntu ow’atarukwikiririza omuli Ruhanga. N’osobora kwekaguzaaho omutebezi ow’amazire akasumi omu buheereza akukonyere. Ekindi, ijuka ngu Yahwe n’asobora kutukonyera kuhika ha mitima y’abantu abarukugonza kumwegaho—n’obukiraaba ngu ha kubanza nibaba batarukwikiriza ngu aroho.—Eng 13:48.