KAKʼTIK TA ILEL TE JCHʼUUNOJTIK DIOSE

Koltaya te ants winiketik te maʼyuk sreligionik ta snaʼbeyel sba te Jpaswanej

TSUMA TA

¿Aybal jich apasoj te ma la acholbey skʼop Dios te machʼa maʼyuk sreligion yuʼun ya akuy te maba ya yaʼiybat te akʼope? Teme jiche, ayukme ta awoʼtan te bayal ta tul testigoetik ta ora ini, maʼyuk sreligionik-a o ma schʼuunik-a te ay Diose. Te bin ya skʼanike, jaʼ te koltayel yuʼun ya yilik pruebaetik te ya yakʼ ta ilel te yuʼunix ay-a te Diose (Ro 1:20; 10:14).

KʼALAL LA AWILIX-A TE VIDEO NAʼAME, TE MACHʼATIK MAʼYUK SCHʼUUNEL YOʼTANIK YA XJUʼ YA STAIK: TE ANTS WINIKETIK TE MAʼYUK SRELIGIONIK, AKʼBEYA SUJTIB TE JOJKʼOYELE:

¿Bin-utʼil ya stijbat awoʼtan te bin kʼax ta skuxlejal te Tommaso yuʼun ya acholbey skʼop Dios te machʼatik maʼyuk sreligionik?

Sujtib

Te bin ya skʼan ya apas

Teme ya ata jtul ants winik te ma schʼuun te ay Diose, ya skʼan te lekuk awoʼtan ya xkʼopojat sok, chʼama awaʼiy te bin ya yal, te bin ya snop sok te bin yaʼiyel ya yaʼiy sba (2Ti 2:24). Jaʼ xa awalbey skʼoplal te bin ya smulane. ¿Yabal smulan te ants winik te yilbeyel skʼoplal pruebaetik te skoltayoj bayal ta tul ants winiketik ta snaʼel te ay jtul Jpaswanej? Jaʼ yuʼun tuuntesa te publicacionetik sok te videoetik te chajpanbilik ta swenta ini, jich bitʼil te folleto, ¿Es la vida obra de un Creador? Sok ¿Bin-utʼil chiknaj te kuxlejalil? Joʼchajp te bin ya skʼan ilbeyel skʼoplal, te la yichʼ akʼel ta aʼtejibaletik yuʼun nojpteswanej yuʼun maba wokol ya awaʼiy stael-a.

Ta sjajchibal yaniwan xiwat ta scholbeyel skʼop Dios te machʼa ma schʼuun te ay Diose. Teme jiche, kʼanbeya koltayel jtul publicador te pʼijubenix yuʼun ya skoltayat. Ayukme ta awoʼtan te Jehová ya skoltayat yuʼun ya xkʼot ta yoʼtan te machʼatik ya skʼan ya yaʼiy te skʼop Diose, manchukme ya skuyik te maʼyuk te Diose (Hch 13:48).

SJUNAL KAʼTELTIK