EKALO LIAKRISTÃO

Kuatisa Omanu ka va Kuete Etavo Oku Kũlĩha Ululiki Wavo

SIKA

Ove hẽ wa yuvuile ale oku eca uvangi komanu ka va kuete etavo, loku sima okuti ovo ka va ka yevelela? Nda oco, ivaluka okuti omanu valua ka va tiamẽlele ketavo, oku kongelamo vana ka va tava ku Suku, va siata oku linga Olombangi Via Yehova. Olonjanja vimue ocina va sukilile, ekuatiso lioku kũlĩha okuti kuli Suku.—Va Roma 1:20; 10:14.

TALA OVIDEO LOSAPI HATI, IVALUKA OKUTI—OMANU KA VA KUETE EKOLELO VA PONDOLA OKU KUATA EKOLELO!—VANA KA VA KUETE ETAVO, NOKE TAMBULULA EPULILO LI KUÃIMO:

Ulandu wa manji Tommaso u ku kuatisa ndati oku kuata ocisimĩlo ca sunguluka catiamẽla koku eca uvangi komanu ka va kuete etavo?

Etambululo liove

Ndomo o ci linga

Nda omunu wa tambulula okuti ka tava ku Suku, kala ukuahenda, ukuotate kuenda lutima wosi, lekisa okuti wa kapako ovisimĩlo viaye via tiamẽla kulandu waco. (2Ti 2:24) Vangula ovolandu amue a pondola oku vetiya onjongole yaye. Eye hẽ wa lekisa onjongole yoku vangula ovina via vetiya omanu valua oku tava okuti, kuli Ululiki? Nda oco, talavaya lalivulu kuenda olovideo via sokiyiwila ocimãho caco. Ombrochura losapi hati, A Vida—Teve um Criador? kuenda Efetikilo Liomuenyo—Apulilo Atãlo a Sukila OKu Tambuluiwa, via vokiyiwa Vovimãleho Vietu Vioku Longisa oco ci leluke oku vi sanga.

Kefetikilo, pamue o kuata ohele yoku vangula catiamẽla kocili lomunu umue ka tava ku Suku. Momo lie ku pingila kukundi umue wa loñoloha oco a ku kuatise? Ivaluka okuti, Yehova o pondola oku tu kuatisa oku vetiya ovitiwa viomanu vana va sunguluka ndaño kefetikilo va lekisa okuti ka va tava kokuaye.—Ovl 13:48.

OVIPAMA VIOHONGELE EKALO LIETU TUAKRISTÃO KUENDA OKU KUNDA