PAGKINABUHI SUGAD NGA MGA KRISTIANO

Buligi an mga Diri Relihiyoso nga Makilala an Ira Maglalarang

I-PLAY

Nag-aalang ka ba pagsangyaw ha mga diri relihiyoso kay naghuhunahuna ka nga bangin diri hira mamati? Kon oo, hinumdumi nga damu nga tawo nga diri relihiyoso—upod na an mga ateyista—an nagin mga Saksi ni Jehova. Kaurogan na nga ginkikinahanglan la nira an gutiay nga bulig basi mausisa an mga ebidensya nga may-ada Dios.—Ro 1:20; 10:14.

KITAA AN VIDEO NGA HINUMDUMI—AN MGA WARAY PAGTOO PUYDI MAGKAADA PAGTOO!—MGA DIRI RELIHIYOSO, NGAN BATONA AN MASUNOD:

Paonan-o an eksperyensya ni Tommaso nabulig ha imo nga magkaada positibo nga panhunahuna ha pagsangyaw ha mga diri relihiyoso?

An imo baton

Kon Paonan-o Ito Bubuhaton

Kon an usa magsiring nga diri hiya natoo ha Dios, magin buotan, mataktika, ngan magpakita hin sinsero nga interes ha iya panhunahuna ngan inaabat parte hito nga topiko. (2Ti 2:24) Paghisgot hin mga topiko nga posible mainteres hiya. Naruruyag ba hiya nga paghisgotan an mga ebidensya nga nakabulig ha damu nga tumoo nga may-ada Maglalarang? Kon oo, gamita an mga publikasyon ngan video nga gindisenyo para hito. An mga brosyur nga Ginlarang ba an Kinabuhi? ngan an The Origin of Life—Five Questions Worth Asking igindugang ha aton Toolbox ha Pagpanutdo basi madali ito makita.

Ha siyahan, bangin mag-alang ka nga ipakiistorya an kamatuoran ha usa nga diri natoo ha Dios. Puydi ka magpabulig ha usa nga eksperyensyado nga magwarali. Hinumdumi liwat nga puydi ka buligan ni Jehova nga maabot an kasingkasing hadton may husto nga disposisyon—bisan kon ha siyahan diri hira natoo nga may-ada Dios.—Bu 13:48.