KUXLAKOʼON JEʼEX CRISTOEʼ

Áant le máaxoʼob minaʼan u religiónoʼob u kʼaj óoltoʼob Diosoʼ

PAX ICH

Yaan horaeʼ maʼ tu taaktal k-kʼaʼaytaj tiʼ máax minaʼan u religión tumen k-tuklik maʼ ken u yuʼuboʼon. Wa ku yúuchultoʼon beyoʼ kʼaʼajaktoʼoneʼ yaʼab tiʼ le máaxoʼob Testigoʼoboʼ kaʼacheʼ maʼ tu binoʼob tiʼ mix junpʼéel religión wa hasta maʼ tu creerkoʼob Dios. Chéen kʼaʼabéet kaʼach u yáantaʼaloʼob utiaʼal ka u yiloʼob jach tu jaajil yaan Dios (Ro 1:20; 10:14).

CHAʼANT LE VIDEO TAK MÁAX MINAʼAN U FEJEʼ JEʼEL U YANTALTIʼEʼ: LE MÁAXOʼOB MINAʼAN U RELIGIÓNOʼOBOʼ, TSʼOʼOLEʼ NÚUK LE KʼÁATCHIʼOBAʼ:

¿Bix u yáantkech u ejemplo Tommaso utiaʼal a kʼaʼaytaj tiʼ le máaxoʼob minaʼan u religiónoʼoboʼ?

U núukil

Bix jeʼel a beetkeʼ

Wa ku tocar a tsikbal yéetel wa máax maʼ tu creertik Dioseʼ eʼes utsil tiʼ yéetel chʼenxikint baʼax ku yaʼalik (2Ti 2:24). Tʼaanen tiʼ baʼaxoʼob jeʼel u taaktal u yuʼubikeʼ. ¿Jeʼel wa u yóotik ka a weʼestiʼ le baʼaxoʼob eʼesik jach tu jaajil yaan Diosoʼ? Wa beyoʼ meyajnaktech le videoʼob yéetel le publicaciónoʼoboʼ, por ejemploeʼ jeʼel u páajtal a xakʼaltik tu yéetel le folleto Bix káajik le kuxtaloʼ. Cinco preguntaʼob unaj u xakʼaltaʼal. Le folletoaʼ tsʼaʼan teʼ jaats ku kʼaabaʼtik «Kit de enseñanza» utiaʼal a séeb kaxtik.

Maʼ xaaneʼ tu káajbaleʼ jeʼel a chan sajaktal kʼaʼaytaj tiʼ juntúul máax maʼ tu creertik Dioseʼ. Wa bey u yúuchultechoʼ aʼal tiʼ juntúul sukuʼun wa kiik jach u yojel kʼaʼaytaj ka u yáantech. Maʼ u tuʼubultecheʼ Jéeobaeʼ yaan u yáantkech utiaʼal a kʼuchul tu puksiʼikʼal le máaxoʼob jach tu jaajil u yóol taak u kankoʼob u jaajiloʼ (Hch 13:48).

U JUʼUNIL XOOK