RAKA NI AKRISTANO

Oni Undo Agu Aboro Angianga Aboropambori Ya I Ye ka Ino Bakusiyo

SI TONA MANGASUNGE

Ya mo mo ambunga tungusapai fu agu aboro angianga aboropambori ya mbiko mo naberã gupai nga i adeganga tuyo te? Ka si du wo, mo tingidi gupai nga dungu agu aboro angianga aboropambori ya—kodihe na agu aboro aidanga kuti Mbori ya—aima da ni ADezire Yekova. Dedede, gupai si aaidaha nga i wisigi agu agopai nayugo gupai nga Mbori kina ti ni.—Rom 1:20; 10:14.

ONI MOI GU VIDIO NGA ONI TINGIDI GUPAI NGA—AGU ABORO ADUNGA NA IDAPASE YA IMA RENGBA KA DU NA IDAPASE!—AGU ABORO ANGIANGA ABOROPAMBORI YA, FUOHO, ONI KI KARAGAPAI KUTI AGI ASANAHE RE:

Waigu rengbe gu kpiapai nga ga Tommaso ka undo ro mo du na ruru bipai tipa tungusapai fu agu aboro angianga aboropambori ya?

Gamo karagapai

Wai ka mangaha

Ka boro gumba gupai nga ni aidanga kuti Mbori te, mo du zezeredi, ki du na birĩ na kini bipa gani aberãpai tipa gu sakapai re na nyanyakipaha. (2 Ti.m 2:24) Mo sakipai na ni tipa agu apai ni narengbe kadu na nyemuhe. Ya mo ni na nyemu ka fura tipa gu gopai naima sa badungu aboro i idi kuti bakusiahe? Ka ngia wo duhe, mo mangisunge na agu awaraga gbiati avidio i akusihe tipa gupai re. I ima maa agu aburosua nga Was Life Created? na The Origin of Life—Five Questions Worth Asking ku dagba gaani Aũsunge Nga ga Yugopai yo tipa si du taata ka gbiaha.

Ti bambataha, mo ima rengba kadu na ndundu ka tona fura tipa rengo na gu boro aidanga kuti Mbori ya. Si angba gbe ka mo sana gu batungusipai du na inohe tipa undo. Mo tingidi gupai a nga Yekova ima rengba ka undo rani ani zi ngbadu agu aboro yo du na wene ngbaduyo yo—ka si vura du vurũ nga i aidanga kuti gupai nga Mbori kina ti ni te ti bambata regbo.—Amo 13:48.

GAANI RAKA NGA GA AKRISTANO NA GAANI SUNGE–WARAGA DUNGURATISE