Eniin emạ eten dị aburudẹ r’aburunhiin kotue ologhonhaạn ḍighaạgh nmụny abidị omhoọgh osụ olhoghi phọ opọ k’Enhaạn, pọ omhiịn ghan mọ bidị omoọgh ghan ni suọ mem dị oghị ituughạ phọ. Araraạr phọ ipẹ iḍoọgh phọ romiịn bọ, ronaghạn bọ, ḅilhẹ rokaạph ghan bọ komiteom mem dị ropagharanhaạn ḍipuru reloghonhaạn ghan ni bidị ḍighaạgh otuughạ ilọ aZihova ḅilhẹ r’oḍighi arighirị odị. (De 31:12, 13) Eḍighi maạr dị nạ aḍighi odẹ obobọ onhiin, ika kụ idị nạ katue aloghonhaạn nmụny phọ anạ ḍighaạgh omhooghọm asuọ ituughạ phọ?

• Kparaghạ oghị aani ghan ituughạ phọ r’aloor.—Ps 22:22

• Lọgh mem aaḅughonhaan ghan bumor r’abumaranhi mem dị ituughạ ke/mhiigh r’amem dị emiteghu.—Hib 10:25

• Miịn ni mọ torobọ onyọ eghunotu phọ anạ amoọgh ni ḍinyạ phọ kotuughạ bọ epẹ ituughạ phọ, mughumọ opọ odi bọ fon phọ obobọ aḍikaraghị aḍinyạ phọ

• Loghonhaạn obumoọny phọ anạ ḍighaạgh ookolhobian ilọ ophagharanhaạn aḍipuru.—Mat 21:15, 16

• Kaạph ghan imạ ilọ ituughạ phọ r’iromhoghiom mọ rungọ ghan bọ iyira

• Loghonhaạn nmụny phọ anạ ḍighaạgh oḍighi aani ghan iiḍighi lọ roḍighi idiphọ ogbuurogh aKindọm Họl ḅilhẹ roḅaanhaạn ghan abuphẹ asiạ phọ meghị bọ siphẹ ookpomhoghan phọ

• Resighẹ ghan ni iboom inyaạm olhoghonhaạn aḍighaạgh ibạm anmụny phọ anyinha oḍuraan otuman aZihova, kụ nyinha etue ni eloghoma eeni amem mọ nyinha ke/tue. Toroboiperolbọ, iḍuom ni olhoghi mọ aZihova kilhoghonhaạn ni inyinha ḍighaạgh.—Isa 40:29.

IPOGH VIDIO PHỌ IDIPHỌ ODẸ R’ONHIIN, BEḌENHỌM AZIHOVA R’INYAẠM MỌ ODỊ, KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị aḍidugh aloor etir Zack r’aLeah?

  Ophagharanhaạn phọ anạ

• Uḍighi ika kụ odẹ r’onhiin kolọm bọ aZihova inyaạm?

  Ophagharanhaạn phọ anạ

• Ighẹn areten kụ edị aZack r’aLeah obeḍenhọm aZihova omhoọgh ekol?

  Ophagharanhaạn phọ anạ