LAVI NOU KON KWITYEN
Pawan Édé Ich Ou Pou Swiv Sa Yo Ka Apwann Hòd Jéhova
Yonn an sé pli bon mannyè-a pawan sa édé ich yo pou swiv sa yo ka apwann hòd Jéhova, sé lè yo édé ich yo twapé bennéfis an sé mitin-lan. Wi, sa sé jenn moun-lan ka wè èk ka tann an sé mitin-lan, èvèk lè yo pwépawé pou wéponn kwèsyon, sa ka édé yo apwann konsèné Jéhova èk vini bon jan épi’y. (Ditonronnonmi 31:12, 13) Konsa si’w sé on pawan, kisa ou sa fè pou édé ich ou twapé pli bennéfis an sé mitin-lan?
-
Fè tout sa ou pé pou atandé sé mitin-lan an Sal Wéyòm-lan.—Sam 22:22
-
Lè’w atandé sé mitin-lan toujou fè asiwé fanmi’w pasé asé tan épi sé fwè èk sè-a.—Hibrou 10:25
-
Lè’w atandé sé mitin-lan toujou fè asiwé chak moun an fanmi’w ni sé piblikasyon-an nou ka sèvi an sé mitin-lan.
-
Édé ich ou pou bay on wépons mannyè-a i ka konpwann enfòmasyon-an.—Mafyou 21:15, 16
-
Palé konsèné sé mitin-lan èk sé enstwiksyon-an nou ka wisivwè adan on mannyè ki enkouwajan.
-
Enkouwajé ich ou pou fè bagay tèl kon; nétwayé Sal Wéyòm-lan èk palé épi sé fwè èk sè-a ki an laj.
I ka pwan on chay éfò èk twavay pou édé ich ou vansé pwé Jéhova, èk délè ou pé santi, sa twòp pou ou. Kanmenm toujou chonjé, ou sa dépan asou Jéhova. I kay ba’w fòs-la èk kouway-la ou bouzwen.—Izaya 40:29.
GADÉ VIDIYO-A PAWAN DÉPAN ASOU JÉHOVA ÈK FÒS LI, ÈK APWÉ WÉPONN SÉ KÈSTYON SALA:
-
Ki mannyè lasitid té afèkté Zack èk Leah?
-
Pouki pawan ni pou dépan asou Jéhova pou ba yo fòs?
-
An ki mannyè Zack èk Leah té dépan asou Jéhova pou édé yo?