Emɔ nywi ɖeka ci ji jilawo ato yí akpedo wowo viwo nu nɔ woaɖo ŋɖɛnyanya Mawu tɔ yí nyi, woakpedo wo nu nɔ woanya nyɔna ciwo yí tonɔ so Kristotɔwo bɔbɔwo yiyi mɛ. Ŋci jajɛwo kpɔnɔ, enyɔ ciwo wosenɔ koɖo ɖoŋci ciwo wonanɔ le bɔbɔwo mɛ atɛnŋ akpedo wo nu woakpla nu so Yehowa nu yí avanyi exlɔ veviwo koɖi. (2 Ese 31:12, 13) Nɔ jila ènyi ɖe, lé àtɛnŋ akpedo vio nu nɔ akpɔ nyɔna sugbɔ le bɔbɔ lɔwo mɛɔ?

• Je agbla keŋ nɔ ŋgbegɔnnɔ bɔbɔ ɖe o.—Eha 22:22

• Kando ji mɔ keŋ gbɔxwe woatɔ bɔbɔ lɔ ji alo nɔ bɔbɔ lɔ kpaɔ, yenɔnɔ ju koɖo nɔviwo.—Ebre 10:25

• Kando ji mɔ xomu lɔ mɛ tɔ ɖeka ɖeka ɖo wema ci wojikɔ avayi kpla le bɔbɔ, nɔ egbenyi eka ji tɔ alo wema tɔ yɔ can

• Kpedo vio nu nɔ adra ɖoŋci ɖeka do le yiŋtɔ nyɔgbewo mɛ.—Mt 21:15, 16

• Xonɔ nuxu nywi so bɔbɔ lɔwo koɖo ŋciwo mìkplanɔ nu

• Nɔ wojiji adra Fyɔɖuxuxɔ mɛ doɔ, kpedo viowo nu nɔ wowo can ava wa dɔ yí agbekpedo wo nu nɔ woagbekannɔ seŋ koɖo amɛ shinshin ciwo yí le hamɛ lɔ mɛ

Woakpedo ɖeviwo nu yí woate gogo Yehowa depo ashi o, eyi edɔ ŋtɔ́ wawa tɛnŋ vawugan amɛ hweɖewonu. Àtɛnŋ akando Yehowa ji mɔ yɛakpedo ye nu.—Ezai 40:29.

MÍKPƆ VIDEO CI YÍ NYI VIDA KOÐO VINƆWO, MÍKANDO YEHOWA KOÐO YI ŊSƐN JI, KEŊ AÐO NYƆBIƆSE CIWO MÌAKPƆ YƐ ŊCI:

• Ci nu cikɔ nɔ Zack koɖo Leah ɖe, lé ewa nɔ woɔ?

  Ao ɖoŋci

• Nyi yí taɖo jilawo anu nɔ Yehowa nɔ ado ŋsɛn woɔ?

  Ao ɖoŋci

• Emɔ ciwo ji Zack koɖo Leah kando Yehowa ji le mɔ yɛakpedo yewo nuɔ?

  Ao ɖoŋci