Acel m’i kind yore ma beco ma junyodo gicopo konyo ko awiya migi ninwang’u rieko m’uai i bang’ Mungu utie niketho gibed ginwang’ bero i coko. Gin m’awiya winjo, neno man ma giyero i dwokowang’ penji migi i coko copo konyogi niponjo lembe iwi Yehova man nidoko jurimbe ma ceng’ini. (Pc 31:12, 13) Tek itie janyodo, icopo konyo nyathin peri nenedi kara enwang’ bero i coko?

• Tim ceke m’icopo kara kud ibed ikos coko.—Zb 22:22

• Nwang’ saa mi bedo karacelo kud umego ku nyimego i wang’ coko kunoke i ng’eye.—Eb 10:25

• Nen nia dhanu m’i ot peri ceke gitie ku girasoma ma jubeponjo i coko, kadok mir elektronik kunoke m’iwi karatasi

• Kony nyathin peri niyiko dwoko wang’ penji m’ebiwok miyo ku wec pare gire.—Mt 21:15, 16

• Bed iwec ma ber pi coko man pi telowic ma wacuku nwang’u i igi

• Bed ikony awiya peri gidikiri i tic mi ketho leng’o i OtKer man niweco kud umego ku nyimego ma wang’gi teng’ini m’i cokiri

Nikonyo awiya peri kara gicor ceng’ini ku Yehova kwayu lembe dupa, man saa moko ecopo nen ni lembe ma nurojo. Kadok kumedo de, cwinyi bed tek nia Yehova bikonyi.—Is 40:29.

NEN VIDEO MA THIWIYE TIE JUNYODO, WUJENGURU IWI YEHOVA MAN IWI TEGO PARE, MAN I NG’EYE DWOK WANG’ PENJI M’ULUBO E:

• Olo ukelo matoke ma kani iwi Zack giku Leah?

  Dwokowang’ lembe peri

• Kara junyodo ginwang’ tego, pirang’o ukwayu gijengiri iwi Yehova?

  Dwokowang’ lembe peri

• Zack giku Leah gijengiri iwi Yehova nenedi kara ekonygi?

  Dwokowang’ lembe peri