Wawanakamarutï tantachäwinakat askinak apsupjjañapataki yanaptʼapjjäta ukhajja, jupanakajj Dios nayraqatan yatiñanïpjjaniwa. Kuntï tantachäwinakan uñjapkani, istʼapkani, arstʼapkani ukanakajja, Jehová Diosat jukʼamp yateqapjjañapataki, jupan amigopäpjjañapatakiw yanaptʼaspa (Dt 31:12, 13). Ukampis ¿kunjamsa wawanakamarojj tantachäwinakat jukʼamp askinak apsupjjañapatak yanaptʼapjjasma?

• Salonan jilat kullakanakamp chika tantachtʼasiñatakiw chʼamachasipjjañama (Sl 22:22).

• Wawanakamajj tantachäw qalltasa, tukuyas jilat kullakanakampi parltʼasipjjañapataki chikachasipjjañapatakiw yanaptʼapjjañama (Heb 10:25).

• Kunanakattï tantachäwin yatjjataskani uka qellqatanakajj (tabletansa celularansa jan ukajj imprimitasa) familiaman sapa mayninwa utjañapa.

• Tantachäwinakan kunjamsa pachpa arupampi arstʼapjjaspa uk wakichtʼasipjjañapatakiw wawanakamar yanaptʼapjjañama (Mt 21:15, 16).

• Tantachäwinakatsa, kunatï ukan yatichaski ukanakats janipuniw jan wal parlapjjañamäkiti.

• Wawanakamajj Salón qʼomachañan yanaptʼañapataki jan ukajj yaqha ukhamanakan yanaptʼañapatakiw yanaptʼapjjañama, edadani jilat kullakanakamp parltʼapjjañapatakiw yanaptʼapjjañamaraki.

Wawanakamar Jehová Diosar jakʼachasipjjañapataki yanaptʼañajj janiw faciläkiti, awisajj wali qaritaw jikjjatasipjjasma. Ukampis janiw sapäpktati, uk janipun armapjjamti, Jehová Diosaw yanaptʼasipkätam (Is 40:29).

AWK TAYKANAKA, JEHOVÁ DIOSAR CONFIYAPJJAM JUPAW CHʼAM CHURAPJJÄTAM SAT VIDEO UÑTASAJJA, AKA JISKTʼANAKARUW QHANAÑCHTʼÄTA:

• ¿Miguel jilatampiru Lidia kullakampirojj kunjamsa walja lurañanakanïpjjatapajj aynachtʼayaskäna?

  Respuesta

• ¿Kunatsa awk taykanakajj chʼam churañapatak Jehová Diosar yanaptʼa mayipjjañapa?

  Respuesta

• ¿Jehová Diosampi yanaptʼayasiñatakejj kunsa Miguel jilatampi Lidia kullakampejj lurapjjäna?

  Respuesta