LIKE NGA KLISIFUƐ’M BE YO’N
Siɛ nin niɛn mun an uka amun mma mun naan be nanti Zoova i su like nga be suan’n su
Like nga siɛ nin niɛn’m be kwla yo’n, i kun yɛle kɛ ɔ fata kɛ be uka be mma mun naan be ɲan aɲia’m be su ye. Like nga gbanflɛn nin talua’m be wun i aɲia’m be bo’n, nin ndɛ nga be tie’n ɔ nin kosan nga be tɛ be su’n, be uka be naan be nin Zoova be afiɛn w’a mantan kpa. (Mml 31:12, 13) ?Sɛ a le ba’n, á yó sɛ naan b’a ɲan aɲia’m be su ye?
-
Mian ɔ ɲin naan tran aɲia’m be bo Ɲanmiɛn Sielɛ Sua nun lɔ.—Ju 22:22
-
Ka naan aɲia’n w’a bo i bo’n yɛ kɛ ɔ ko wie’n, a nin aniaan’m be koko yalɛ.—Ebr 10:25
-
Yo maan ɔ awlofuɛ’m be kwlaa be ɲan fluwa nga e suan be nun like aɲia’m be bo’n. Ɔ kwla yo ajulisu mannzin annzɛ fluwa su.
-
Uka ɔ mma mun naan be siesie be wun yɛ be tɛ kosan’m be su kɛ nga be fa ijɔ titi’n sa.—Mat 21:15, 16
-
Kan aɲia mun nin like nga e suan be lɔ’n be su ndɛ kpa.
-
Uka ɔ mma mun naan be fa be wun wlɛ i aɲia sua’n i yɛinyɛin yolɛ nun. Yɛ maan be nin aniaan kpɛnngbɛn’m be koko yalɛ.
Kɛ ɔ ko yo naan amun a uka amun mma mun naan b’a fa be wun b’a mantan Zoova’n, ɔ timan pɔpɔ. Yɛ ɔ ju wie’n junman sɔ’n kwla bobo amun su. Sanngɛ amun láfi su kɛ Zoova úka amun junman sɔ’n i dilɛ’n nun.—Eza 40:29.
AN NIAN VIDEO NGA BE FLƐ I KƐ SIƐ NIN NIƐN MUN AN LAFI ZOOVA NIN I WUNMIƐN’N SU. I SIN’N, AN TƐ KOSAN NGA’M BE SU:
-
?Afɛ’n ti’n, ngue yɛ Zaki nin Lea be kwlá yoman-ɔn?
-
?Ngue ti yɛ ɔ fata kɛ siɛ nin niɛn’m be kpɛ be ɲin Zoova wun lɔ naan ɔ wla be fanngan-ɔn?
-
?Ngue yɛ ɔ kle kɛ Zaki nin Lea be lafili Zoova su naan b’a kwla yo ninnge mun-ɔn?
