PAMUMUHAY BILANG KRISTIYANO
Mga Magurang—Tabangan an Saindong mga Aki na Magkaigwa nin Diyosnon na Kadunungan
An saro sa pinakamarahay na mga paagi na matatabangan nin mga magurang an saindang mga aki na magkaigwa nin diyosnon na kadunungan iyo an pagtabang sa sainda na makinabang sa Kristiyanong mga pagtiripon. An mga nahihiling saka nadadangog kan mga hoben sa mga pagtiripon, asin an itinatao nindang mga komento diyan makakatabang sa sainda na makanuod manungod ki Jehova asin magin dayupot na amigo niya. (De 31:12, 13) Kun saro kang magurang, paano mo matatabangan an saimong aki na makinabang nin lubos sa mga pagtiripon?
-
Maghinguwang marhay na mag-atender nin in person sa mga pagtiripon.—Sal 22:22
-
Magtao nin panahon para sa nakakapakusog na mga iristoryahan sa Kingdom Hall bago asin pagkatapos kan pagtiripon.—Heb 10:25
-
Siguraduhon na an kada miyembro kan pamilya igwa nin kopya kan mga publikasyon na pinag-aadalan sa pagtiripon, digital man o imprentado
-
Tabangan an saimong aki na mag-andam nin komento sa sadiri niyang mga tataramon.—Mat 21:15, 16
-
Magtaram nin positibong mga bagay manungod sa mga pagtiripon asin sa mga pagtutukdo na itinatao diyan
-
Tabangan an saimong mga aki na magpartisipar sa mga aktibidad arog kan paglinig sa Kingdom Hall asin pakikipag-ulay sa mga may edad na sa kongregasyon
An pagtabang sa saimong mga aki na rumani ki Jehova nangangaipo nin dakulang paghihinguwa, asin kun minsan tibaad mamatian mo na dai mo iyan kaya. Minsan siring, makakasiyerto ka sa tabang ni Jehova.—Isa 40:29.
HILINGON AN VIDEO NA, BILANG MGA MAGURANG, MAGSARIG KI JEHOVA ASIN SA SAIYANG KUSOG, DANGAN SIMBAGON AN MINASUNOD NA MGA HAPOT:
-
Ano an epekto kan kapagalan ki Zack asin Leah?
-
Taano ta an mga magurang dapat na manarig ki Jehova para sa kusog?
-
Sa anong mga paagi nagsasarig si Zack asin Leah ki Jehova para magin mapanggana?
