Inshila iisuma iyo abafyashi bengafwilamo abana babo ukulakonka ifyo Yehova afwaya kulabafwa ukulanonkelamo mu kulongana. Ifyo abacaice bamona, ifyo bomfwa ne fyo balanda nga baleyasukapo pa kulongana kuti fyabafwa ukusambilila pali Yehova no kuba icibusa cakwe. (Amala. 31:​12, 13) Nga muli bafyashi, finshi mwingacita pa kuti mwafwe abana benu ukulanonkelamo mu kulongana?

• Mule-esha apapela amaka yenu ukulasangwa lyonse ku kulongana.—Amalu. 22:22

• Mulebako na bamunyinefwe na bankashi pa Ng’anda ya Bufumu ilyo ukulongana kushilatendeka na pa numa ya kulongana.—Heb. 10:25

• Muleshininkisha ukuti bonse mu lupwa nabakwata ulupapulo balebomfya pa kulongana, nampo nga lwa pa foni nelyo ulwapulintwa

• Muleafwa abana benu ukupekanya ifyasuko mu mashiwi yabo.—Mat. 21:​15, 16

• Mulelanda ifisuma pa kulongana na pa fyo mulesambililako

• Mulekoselesha abana benu ukulabombako imilimo imo pamo nga ukuwamya Ing’anda ya Bufumu no kulalanshanyako na bakalamba mu cilonganino

Mulingile ukubombesha pa kuti mwafwe abana benu ukupalama kuli Yehova. Inshita shimo kuti mwamona kwati te kuti mukumanishe, lelo muleibukisha ukuti Yehova kuti amwafwa.—Esa. 40:29.

TAMBENI VIDIO ITILA MWE BAFYASHI, MULESHINTILILA PALI YEHOVA, LYENA ASUKENI AMEPUSHO YAKONKAPO:

• Finshi ba Zack na ba Leah balefilwa ukucita pa mulandu wa kuti balenaka sana?

  Lembeni icasuko

• Mulandu nshi abafyashi balingile ukulalombela Yehova ukuti alebapeela amaka?

  Lembeni icasuko

• Finshi ba Zack na ba Leah balecita ifyalelanga ukuti balishintilile pali Yehova pa kuti bakushe bwino abana?

  Lembeni icasuko