AN KA ƝƐNAMAYA KƐ IKO KRECƐNW
Bangebagaw, a’ye aw denw dɛmɛ u ka hakilitigiya sɔrɔ min bɛ bɔ Ala yɔrɔ
Siraw bɛɛ la ɲuman minnu fɛ bangebagaw bɛ se ka u denw dɛmɛ u ka hakilitigiya sɔrɔ min bɛ bɔ Ala yɔrɔ, olu dɔ la kelen ye ka u dɛmɛ u ka nafa bɔ krecɛn lajɛw la. Lajɛw la, denmisɛnw bɛ fɛn minnu ye, u bɛ fɛn minnu mɛn ani u bɛ jaabi minnu di, olu bɛ se ka u dɛmɛ ka fɛn caman kalan Jehova ko la ani ka kɛ a teri sɛbɛw ye. (Dutɛrɔnɔmɛ 31:12, 13) Ni i ye bangebaga ye, i bɛ se ka i den dɛmɛ cogo di walasa a ka nafaba bɔ lajɛw la?
-
Cɛsiriba kɛ walasa ka to ka taa lajɛw la Masaya So kɔnɔ.—Zaburu 22:23
-
To ka waati ta sani lajɛw ka daminɛ walima u bannen kɔ walasa ka dusu don balimaw kɔnɔ Masaya So kɔnɔ.—Heburuw 10:25
-
Gafe minnu bɛ kalan lajɛ la, i jija i ka denbaya kɔnɔmɔgɔw bɛɛ ka o gafew papiyelama kelen-kelen sɔrɔ walima u ka u sɔrɔ u ka masinimafɛnw kan
-
I den dɛmɛ a ka jaabi kelen labɛn a yɛrɛ ka kumafɔcogo la.—Matiyu 21:15, 16
-
Lajɛw ani an bɛ kalan minnu sɔrɔ u la, kuma ɲuman fɔ olu kan
-
I denw dɛmɛ u ka to ka u sen don Masaya So saniyali la ani ka to ka kuma ni jɛkulu maakɔrɔbaw ye
Walasa ka i denw dɛmɛ u ka gɛrɛ kosɛbɛ Jehova la, o bɛ baaraba de ɲini i fɛ, wa a bɛ se ka kɛ ko o bɛ i sɛgɛn kosɛbɛ tuma dɔw la. Nka, o bɛɛ n’a ta, i bɛ se ka d’a la ko Jehova bɛna i dɛmɛ.—Esayi 40:29.
NIN WIDEYO LAJƐ: BANGEBAGAW, A’YE AW JIGI DA JEHOVA NI A KA SEBAAYA KAN, O KƆ AW KA NIN ƝININKALI NINNU JAABI
-
Sɛgɛn ye nɔ jumɛn bila Zack ani Leah la?
-
Mun na bangebagaw ka kan ka u ɲɛsin Jehova ma walisa ka fanga sɔrɔ?
-
Sira jumɛnw fɛ Zack ani Leah ye u jigi da Jehova kan walisa a ka u dɛmɛ?