ˈYuëlowluwaa ˗kä ˈwa yuëa kwänɩ nzɩ wa ˈkä ˈwluyɩbhäyɩbhɩ ˗li a ˗lii ˈmö ghlɩnɩ, mii ˈkää ˈŋlɩ ˗kä ˈwa yuëa ˈkä ˈnɛɛnɔɔ ˗wʋ ˈbhöönɩɛ Lagɔ ˈmö ghlɩ. ˈSaa yuëa yɩɛ ˈylɩmö ˗mä ˈwluyɩbhäyɩbhʋ ˈwʋ, ˈsaa wa ˗pʋnɩɛ ˈyukwli ˈn sɛ wa bhïlamöä ˗mä ˈwluyɩbhäyɩbhʋ ˈwʋ, yɩ bhɛnɩ yɩ ˈkʋa kwänɩ wa ˈkä Zoova a ˗gömö a wɛlɩɩ yɩbhlɩnɩ, ˈn wa ˈkɔ yɔwʋ ˈdionɩ. (Dt 31:​12, 13) ˗N ˗kä ˈyuëlowli glɩnɩ, sɛɛ ˗n ˈkä ɔ ˗naˈa yuëa kwänɩ wa ˈkä ˈwluyɩbhäyɩbhɩ ˗li a ˗lii ˈmö ghlɩnɩ ˈnɩ?

• A nɩ ˈtɛmanɩ teɲii ˈyli yɔwʋ a ˈkä ˈwluyɩbhäyɩbhɩ ˈwʋ mö ˈyize.—Ps 22:22

• ˈWluyɩbhäyɩbhɩ ˗kä tɛɛ yii, yɩ ˗käˈɛ bhɩɛ ˈwë, a nɩ ˈlibhï ˈtɛɲɩ ˈwʋ a ˗ɲɛ ˗mumuë ˈsɔ ˈkä ˈdɩ ˗sɛ.—Eb 10:25

• A kä a ˈkä sɛ ˗yi nɩɩ, wa ˗su ˈbɔgwɩɩ a ˈkää ˈmö ˈcɩɛnɩ ˗mä ˈwluyɩbhäyɩbhʋ ˈwʋ.

• ˈSaa ˈa yuëa ˈkää ˗mä ˈwluyɩbhäyɩbhʋ ˈwʋ bhïla, a nɩ kwänuë wa ˈkɩ sasɛ ˈwlu gïganɩ.—Mt 21:​15, 16

• ˗Aˈa ˈwluyɩbhäyɩbhɩ ˈn ˈsaa ˗a cɩɛɛ ˗mä, sɛ yɩ nɛnɩɛ a wɛlɩɩ ˈmö a nɩ ˗bhïla ˈyize.

• A nɩ ˈpä ˈa yuëa swɩ ɲɛmʋ ˈmö, wa ˈkä ˗mä lagɔzɩkpa ˈmö a libhi nʋmö, wa ˈkä ˗mä Lagɔ ˈa ˈKämanɔɔ a ˗budu ˈmö ylɩpö, wa ˈkä ˗mä ˈwlɩlɩ päla. ˈN wa ˗ɲɛ ˗wa yɛɛ gɔ ˈsɔ nɩ ˗sɛ ˈdɩ.

A ˈkä ˈa yuëa kwänɩ nzɩ wa ˈkä Zoova yɔwʋ ˈdionɩɩ, libhoo ˈkɔdʋä. Dɛ ˗mämaa a dɔˈwʋ, yɩ bhɛnɩ yɩ ˈkaɲɩ kɛˈmö ˈtɛɛnɩ. ˗Maa a ˗kä Zoova bhibhee, ɔ yeaɲɩ ˈmötɛɛnɔ ˈɲɛ ˈn ɔ yeaɲɩ kwänɩ.—Is 40:29

A NƖ YLƐ VIDEO WA LAA, PARENTS, APPUYEZ˗VOUS SUR JEHOVAH ET SUR SA FORCE, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• Zaakö ˗ɲɛ Leya ˈsɔ, sɛ wa yɔlɔ ɔ ˈnɩ? ˈN ˈsaa yɩ nʋa ɔ ˈwlu ˈnɩ?

  Sɛɛ ˗n ˈkää gbä

• ˗Yɩ kä ɔ ˈŋlɩ ˈn ˈyuëlowluwaa kä ɔ wa ˈkä Zoova bhibhe ɔ ˈkʋa ˈmötɛɛnɔ ˈɲɛ ˈnɩ?

  Sɛɛ ˗n ˈkää gbä

• Sɛɛ Zaakö ˗ɲɛ Leya ˈsɔ ˈtatinɩ ɔ Zoova ˈyi ˈn ɔ yua ɔ kwänɩ ˈnɩ?

  Sɛɛ ˗n ˈkää gbä