Bebiaé be ne volô bone bap na be yé’é mame ma so be Yéhôva. Zene jia ya bo de é ne na, be volô be na be yene mfi ya bisulan. Mame bongô ba yen, ba wôk a jô bisulane me ne volô be na be tu’a yeme Yéhôva a bo bemvôé bé. (Dte 31:12, 13) Nge ô ne mbiaé, aval avé ô ne volô nyo mone na a yene mfi ya bisulan?

• Va’a ngule ya tabe bisulan Aba Éjôé.—Bs 22:22

• Nyoñe’e éyoñe ya laan a bobejañ ôsusua na ésulane ja taté a memane.—Héb 10:25

• Jeñe’e na ô yemelane nge ébu’a ése ya nda bôt é bili kalate ba ye yé’é ésulan, nyi a kui afebe nge ke nkol

• Volô’ô nyo mone na a kômesan éyalan a bifia bié émien.—Mat 21:15, 16

• Jô’ô mbamba be mam a lat a bisulan a mame ba ye’ele bia wôé

• Volô’ô benyo bone na be nyoñe ngap a mame méziñ aval ane, e bo mfuban Aba Éjôé a laan a benya bôtô ya ékôane bekristen

E volô bone bôé na be subu Yéhôva bebé a ne abui ésaé, a ô ne yen ane jam éte da lôte wo nkôñe biyoñe biziñ. Ve ô ne tabe ndi na Yéhôva a ye volô wo.—Ésa 40:29.

YENE’E VIDÉO A NE NLÔ AJÔ NA A BEBIAÉ, KAÑESANÉ MVOLAN YÉHÔVA, MVUSE YA VALÉ, YALA’ANE MINSILI MI:

• Zack ba Leah be nga bili atek. Aval avé jam éte é nga ndeñele be?

  Éyalane jôé

• Amu jé bebiaé ba yiane sili Yéhôva ngul?

  Éyalane jôé

• Aval avé Zack ba Leah be nga jeñe mvolane be Yéhôva?

  Éyalane jôé