Wan way how payrents ku help dehn pikni fi du weh Jehoava waahn da wen dehn help dehn fi benifit fahn di meetinz. Weh pikni si, hyaa, ahn seh wen dehn koment da di meetinz wahn help dehn fi laan moa bowt Jehoava ahn bee ih fren. (De 31:​12, 13) If yoo da wahn payrent, how yoo ku help yu pikni fi laan moa fahn di meetinz?

• Chrai yu bes fi goh da aala di meetinz da di Kingdom Haal.—Ps 22:22

• Mek shoar dat yu spen taim wid yu bradaz ahn sistaz da di Kingdom Haal bifoa an afta di meetinz.—Heeb 10:25

• Mek shoar dat evribadi eena di famili ga wahn kapi a di poblikayshan weh dehn wahn stodi fi da week, eeda wahn paypa kapi er pahn wahn divais

• Help yu pikni fi pripyaa wahn koment eena dehn oan werdz.—Ma 21:​15, 16

• Taak eena wahn pazitiv way bowt di meetinz ahn bowt weh yu laan deh

• Help yu pikni fi tek paat eena di kleenin a di Kingdom Haal ahn help dehn fi taak tu di oalda bradaz ahn sistaz eena di kangrigayshan

Ih tek wahn lata werk fi help yu pikni ga wahn kloas rilayshanship wid Jehoava, an ih ku bee reeli haad sohntaim. Bot yu ku bee shoar dat Jehoava wahn gi yu di schrent weh yu need.—Isa 40:29.

WACH DI VEEDYO WEH NAYM PAYRENTS, PEN PAHN JEHOAVA AN IH SCHRENT, AHN DEN ANSA DEHNYA KWESCHAN:

• Bikaaz Zack ahn Leah mi soh taiyad, how dat mi afek dehn?

  Yu ansa

• Wai ih impoatant fi mek payrents pen pahn Jehoava fi gi dehn schrent?

  Yu ansa

• How Zack ahn Leah mi shoa dat dehn mi pen pahn Jehoava fi help dehn?

  Yu ansa