Aban lídangiñe igaburi buiti lun hibihin lun chu lan hau hisaanigu ligibugiñe Bungiu lau híderaguniña asagara saragu buiti lídangiñe wadamuridagun. Líderagubaña le harihibei, le haganbubei luma óunabagülei le híchugubei lun hafurendeirun luagu Heowá luma lun gamadagua hamá luma (2 Lu 31:​12, 13). Lau sun lira, ida luba híderaguniña hasaanigu lun hasagarún saragu buiti lídangiñe adamuridaguni?

• Adüga huméi sun hiyaraati lun houdin lidoun adamuridaguni (Sal 22:22).

• Adüga humá lun hásügürün hisaanigu dan hama íbirigu tidan Luban Adamuridaguni lubaragiñe o lárigiñe adamuridaguni (Ebü 10:25).

• Chouru huméi lun ñein tan sun agumeiraguagüdüni (garüdia tautu gárada, lídangiñe gágamuru o tableta) to lunboun taturiahóun lidan adamuridaguni hama tílana huban.

• Íderagua humaaña hasaanigu aransera óunabagülei lau hererun guánarügü (Mt 21:​15, 16).

• Ayanuha humá buidu luagu adamuridaguni luma luagu le arufudahóubei ñein.

• Íderagua humaaña hisaanigu lun gadan lániña tarumadahóun Luban Adamuridaguni luma lun hayanuhan hama íbirigu ha derebuguhaña.

Kei agübürigu, gayaraati anihein lan dan sandigua humá hungua lau liibe saminaü, luáguti saragu wadagimanu le lanügübei híderawagun isaanigu lun hayarafadun lun Heowá. Chouru huméi mama lan hábuguarügüñadün, líderagubadün Heowá (Isa 40:29).

LÁRIGIÑE HARIHINI BIDÉU AGÜBÜRIGU, AFIÑE HUMÁ LÍCHUGUBEI LAN HEOWÁ EREI LE HEMEGEIRUBEI HUN, ÓUNABA HUMÉI ÁLÜGÜDAHANI BURÍ LE:

• Ka ladügübei lubucha uagu lun Miguel luma tun Lidia?

  Ónabagülei

• Ka uagu lunti lubéi hamuriahan agübürigu luma Heowá lun líchugun erei houn?

  Ónabagülei

• Ka ladügübei Miguel tuma Lidia lun hafiñerun luagu Heowá?

  Ónabagülei