Uno na de con todo buen manera que puede ayuda el mayores con el diila anak obtene sabeduria del Dios amo que ayuda kanila beneficia na maga miting. El cosa ta puede mira, oi y tan comento el maga anak puede ayuda kanila aprende acerca con Jehova y queda cerca con ele. (De 31:12, 13) Si un mayores tu, paquemodo tu puede ayuda con el de tuyu anak para mas beneficia na maga miting?

• Hace esfuerzo que atende na maga miting na personal.​—Sal 22:22

• Dale tiempo que man junto con el maga hermano y hermana antes y despues del miting.​—Heb 10:25

• Asigura que el cada miembro del familia tiene copia del maga publicacion que ta usa na miting, digital man o hard copy

• Ayuda con el de tuyu anak que prepara comento na de suyu mismo palabra.​—Mt 21:15, 16

• Positivo man cuento acerca na maga miting y na cosa kita ta aprende alla

• Ayuda con el de tuyu anak que participa na maga actividad igual na limpieza na Kingdom Hall y man cuento con el maga de edad hermano y hermana na congregacion

Necesita grande esfuerzo para ayuda con el de tuyu anak queda cerca con Jehova y tiene vez gendeh se facil para hace. Pero, puede tu depende na ayuda de Jehova.​—Isa 40:29.

MIRA CON EL VIDEO MAGA MAYORES, CONFIA CON JEHOVA Y NA DE SUYU FUERZA Y DESPUES, CONTESTA CON EL SIGUIENTE PREGUNTA:

• Cosa el efecto del cansancia con Zack y Leah?

  De tuyu contestacion

• Porque el maga mayores debe pidi ayuda con Jehova para na fuerza?

  De tuyu contestacion

• Na cosa maga manera ya confia si Zack y Leah con Jehova para tene buen exito?

  De tuyu contestacion