Oburyo burungi obu abazire bari kubasa kukwasamu abana babo kutunga obwenge oburi kuruga ahari Ruhanga ni okubakwaza kugasirwa n’enterane. Ebi abana bari kureba, ebi bari kuhurira, n’ebitecerezo ebi bari kutanga omu nterane nibibasa kubakwasa kwega byingi ahari Yehova n’okuba banywani beye. (Bir 31:12, 13) Mbwenu shi yaba ori omuzire ni bata oku ori kubasa kukwasa omwana wawe kugasirwa n’enterane?

• Muteho amani kugira ngu mugume mwekwatanise omu nterane amisho aha gandi.—Zab 22:22

• Mugume mugirane n’abandi ebiganiro ebiri kombeka aha Nju y’Obukama, mbere y’enterane ninga bwanyima yazo.—Heb 10:25

• Guma orebe yaba buri omwe omu bagizire eka ayine ebitabo by’okukoresa yakuba ebicapire ninga eby’omu byoma

• Kwasa omwana wawe kutegura ecokugarukamu eki aratange omu bigambo byeye.—Mat 21:15, 16

• Guma ogambe ebirungi ebi mwareba omu nterane n’obuhabuzi obu mwatungiramu

• Kwasa abana bawe kwekwatanisa omu mirimo y’okuboneza Enju y’Obukama n’okuganira n’ab’omu kibina abakuzire

Kukwasa abana bawe kuhika hihi ya Yehova nikishaba amani kandi nikibasa kurebeka nk’ekigumire. Konka, nobasa kushaba Yehova obuyambi.—Isa 40:29.

MUREBE VIDIYO ERI KUGIRA NGU BAZIRE MWE, MWESIGE YEHOVA N’AMANI GEYE, BWANYIMA MUGARUKEMU EBI BIBUZO:

• Ni bata oku oburuhe bwagizire engaruka ahari Zack na Leah?

  Ec’okugarukamu cawe

• Ahabw’enki abazire bashemerire kurondera ahari Yehova obuyambi?

  Ec’okugarukamu cawe

• Ni buha buryo obu Zack na Leah baronziremu obuyambi ahari Yehova kugira ngu bagire eki bahikaho?

  Ec’okugarukamu cawe