MWONO WA AKWA-KRISTU
Yisemi—Kwasenu Ana Jenu Hanga Apwe ni Mana
Chuma chize muchihasa kukwasa yisemi akwase ana jo kupwa ni mana a Zambi, chili kwakwasa ha chize mahasa kuyuka ha kukunguluka. Yize akweze akumona, ni kwivwa ni makumbululo waze o akuhana ha kukunguluka chakwakwasa kulilongesa hakutwala kuli Yehova ni kupwa masepa jenyi. (Shi 31:12, 13) Yisemi, kuchi munuhasa kukwasa ana jenu ayuke ha malongeso ha kukunguluka?
-
Sako tachi hanga upwe ha kukunguluka hita poso—Sam 22:22
-
Sako tachi hanga upalikise mashimbu ni mandumbu je mu zuwo lia wanangana shimbu kukunguluka kanda chiputuka ni hanyima lia kukunguluka.—Hep 10:25
-
Pwako ni shindakenyo ngwe hita mutu wa mu usoko we kali ni mikanda yize twakuzachisa ha kukunguluka
-
Kwasa ana je hanga akumbulule ha kukunguluka kulita ni maliji jo ene.—Mat 21:15, 16
-
Hanjika kanawa hakutwala ku kukunguluka ni yuma yize twakulilongesamo
-
Kwasa ana je hanga alinge mulimo wa kukomba mu Zuwo lia Wanangana ni kuhanjika ni mandumbu a mu chikungulwila waze hapwa tushinakaji
Kukwasa ana je kukundama kuli Yehova chakufupiwa kusa tachi jinji. Kanji-kanji mulivwa ngwe hi chashi ko kuchilinga. Alioze, pwako ni shindakenyo ngwe Yehova makukwasa.—Iza 40:29.
SOLOLA CHINEMA, YISEMI, JIKIJILENU MULI YEHOVA NI HA TACHI JENYI, MBA NUKUMBULULE YIHULA YINO:
-
Kuchi kuhonga chapinjishile Zack ni Leah?
-
Mumu liaka yisemi atamba kufupa ukwaso wa Yehova?
-
Kuchi Zack ni Lia ajikijilile ha ukwaso wa Yehova?