Junchajp muʼ bʌ i mejlel i coltan laʼ walobilob chaʼan miʼ tajob i ñaʼtʌbal jiñʌch cheʼ mi laʼ pʌsbeñob bajcheʼ miʼ mejlel i ñumen tajob i wenlel ti tempa bʌ tac. Jiñi muʼ bʌ i qʼuelob, i yubiñob yicʼot cheʼ miʼ yʌcʼob i comentario mi caj i coltañob chaʼan miʼ ñumen cʌñob Jehová i miʼ sujtelob tiʼ yamigo (Dt. 31:​12, 13). ¿Bajcheʼ miʼ mejlel laʼ coltañob?

• Chaʼlenla wersa chaʼan mi laʼ majlel ti tempa bʌ (Sal. 22:22).

• Qʼuele mi jiñi a walobilob mucʼʌch i pejcañob jiñi hermanojob ti tempa bʌ, tajol cheʼ bʌ muʼto caj i tejchel o cheʼ bʌ tsaʼix ujti (Heb 10:25).

• Qʼuele mi jiñi a familia luʼ añobʌch i chaʼan jiñi muʼ bʌ caj i qʼuejlel ti tempa bʌ, mach yʌlʌyic mi ti jun o ti digital.

• Coltan jiñi a walobilob chaʼan miʼ yʌcʼob i comentario ti bajñel i tʼañob (Mt 21:​15, 16).

• Alʌ chuqui tac tsaʼ mulaj ti jiñi tempa bʌ yicʼot chuqui tac tsaʼ cʌñʌ.

• Coltan jiñi a walobilob chaʼan miʼ chaʼleñob coltaya tiʼ sʌqʼuesʌntel jiñi i Yotlel tempa bʌ yicʼot chaʼan miʼ pejcañob jiñi hermanojob ñoxobix bʌ.

Tajol mi laʼ tsʼitaʼ pensarin come cabʌl chuqui yom bʌ mi laʼ mel chaʼan mi laʼ coltan laʼ walobilob chaʼan miʼ ñumen lʌcʼtesañob i bʌ ti Jehová. Pero mach laʼ bajñelic, Jehová mi caj i coltañetla (Is. 40:29).

CHEʼ BɅ TSAʼIX LAʼ QʼUELE JIÑI VIDEO TATɅLOB, ÑOPOLA CHAʼAN JEHOVÁ MI CAJ I YɅQʼUEÑETLA LAʼ PʼɅTɅLEL, JACʼɅLA ILI CʼAJTIYA TAC:

• ¿Bajcheʼ woliʼ ticʼlañob Miguel yicʼot Lidia cheʼ wen lujbobix?

  I jacʼbal

• ¿Chucoch jiñi tatʌlob yom miʼ cʼajtibeñob Jehová i pʼʌtʌlel?

  I jacʼbal

• ¿Chuqui tsiʼ meleyob Miguel yicʼot Lidia chaʼan maʼañic miʼ lujbʼañob?

  I jacʼbal