KRISTABIIRI ZEMMO YƐLƐ
Bidɔgreba—Yɛ Soŋ Yɛ Biiri Ka Ba De Yɛlɛ Na Baŋ Zanna Kyaare Jehoova Na Tonɔ Neŋ Toma
Sɛre ka bidɔgreba na toɔ̃ soŋ ba biiri ka ba de yɛlɛ na baŋ zanna na tonɔ neŋ toma, aseŋ ka ba daŋ soŋ ba ka ba nyɛrɛ tɔnɔ yire te Kristabiiri lammore na poɔŋ. Bon na baapaalba naŋ maŋ de ba nimie nyɛrɛ, a de ba tobo wono, ane lɛ na baŋ maŋ iri yɛlɛ nɔɛ a lammozieŋ na na toɔ̃ soŋ baŋ ka ba zanne Jehoova yɛlɛ yaga, a kyɛ lɛ e Jehoova zɔmenne naŋ peɛloo. (Du 31:12, 13) Ka hooŋ e bidɔgrɔ, wala hoŋ na baŋ e soŋ ho bie ka o nyɛrɛ tɔnɔ yaga yire a lammore poɔŋ?
-
Maŋ mɔɔ kyɛ gaa a lammozie a lammore saŋa.—Ym 22:22
-
Maŋ vɛŋ ka ho neŋ ho yɔɔmine di dama a Lammozieŋ a lammo piiluu neŋ o baaroo saŋa.—Hi 10:25
-
Mɔɔ kyɛ vɛŋ ka ho booree deme zaa taa gama na teŋ zanna a lammozieŋ na. Ho na baŋ tagaaŋ eŋ ba fone bee tablɛt zuŋ, kyɛbee ka ho de kaŋa na baŋ printi na ko ba
-
Soŋ ho biiri na ka ba nare ba menne a de ba menne yelbie iri yɛlɛ noɔre.—Mt 21:15, 16
-
Maŋ yele yelsonne kyaara a lammore ane yɛlɛ na baŋ wulo te na
-
Soŋ ho biiri na ka ba de ba menne eŋ a Lammozie meeloo toma poɔŋ, eŋ ba faŋa ka ba neŋ neŋnyaane naŋ be a lantaapuoruu poɔŋ meŋ maŋ dire dama
A ba e mɔlɔ fẽẽ zaa ka ho soŋ ho biiri ka ba tage peɛle Jehoova, saŋa kaŋa a na baŋ waa ŋa a toma naŋ zuo ho faŋa. Kyɛ, ho na baŋ sagediŋ peɛlaaŋ ka Jehoova na soŋ boŋ.—Ai 40:29.
KAA A VIDIO ŊA, BIDƆGREBA, YƐ DƐLE JEHOOVA O NA EŊƐƐŊ FAŊA, KYƐ PÃÃ IRI A SOOREBIE ŊA NƆƐ:
-
Saŋa na Zack ane Leah naŋ da maŋ bale yaga zaa na, bo yɛlɛ baŋ da ba maŋ lɛ toɔ̃nɔ erɛ?
-
Bonso aŋ fɛre ka bidɔgreba bɔ faŋa emmo yi Jehoova zie?
-
Bo yɛlɛ mine ka Zack ane Leah da e a de wuli ka ba dɛlɛɛ Jehoova ka o soŋ ba?
