A LIBI FU WI ENKE KELESTEN
Mma anga dda, yeepi den pikin fu u fu wooko anga den leli fu Yehofa
Wan fu den moo bun fasi fa mma anga dda sa yeepi den pikin fu den fu du sani enke fa Gadu wani, a te den e yeepi den fu fende wini fu den komakandaa. Den sani di den yonkuuwan e si anga san den e yee a den komakandaa o yeepi den fu kon sabi Yehofa moo bun anga fu toon en mati (Deit 31:12, 13). Efu yu a wan mma efuso dda, fai sa yeepi den pikin fii fu fende wini fu den komakandaa?
-
Du ala sai man fu e de a den komakandaa aini a Kownukondee zaal.—Ps 22:22
-
Meke moiti fu e gi den baala anga sisa taanga-sikin fosi komakandaa bigin anga baka komakandaa.—Heb 10:25
-
Solugu taki ala sama aini a osufamii abi den buku di wa abi fanowdu a komakandaa, winsi a den tablet efuso pampila wan
-
Yeepi den pikin fii fu gi piki a den komakandaa sondee den leisi den piki.—Mat 21:15, 16
-
I mu abi a gwenti fu e taki bun fu den komakandaa anga den sani di we leli a komakandaa
-
Yeepi den pikin fii fu fusutan taki a pelensipali fu e kiin a komakandaa peesi anga fu e taki anga den gaandi baala anga sisa aini a kemeente
I mu biibi taki Yehofa o holibaka gii te ye yeepi den pikin fii fu toon en mati, winsi fa á makiliki ala yuu.—Yes 40:29.
LUKU A FELON DI DEN E KAI MMA ANGA DDA, BIIBI TAKI YEHOFA O HOLIBAKA GI U, DAI PIKI DEN AKISI YA:
-
San be e pasa fu di Zack anga Leah be e weli?
-
Saide mma anga dda mu begi Yehofa fu a yeepi den?
-
Fa Zack anga Leah be e soi taki den e fitoow Yehofa?