A NING ANE MOAN KRISTEN
Bebyèñ, voleghan é boan benan naa be bele é fakh da so ébe Nzame
Bebyèñ be ne ve naa é boan beba be bele é fakh da so ébe Nzame éyong ba vole be naa be buane bisulan bekristen. É dzam bitong ba yen, ba wokh, ya é dzam ba dzô éyong ba ve biyalane bisulan, é ne be vole naa be yeghe a yem Jehôva ya bo angom ya ñe. (Deut. 31:12, 13) Nge ô bele moan, aval avé ô ne ñe vole naa a tugha buane bisulan biè ?
-
Vakh abuiñ mengu’u naa mine tobe bisulan.—Bya 22:22
-
Ñonghe tam naa wa tobe ya bobeñong ya bekal buè kaa naa ésulan é sum ya fe éyong da man.—Behéb. 10:25
-
Dzenghe naa kada môt ya é nda-bôt duè a bele abakh ye ésulan, abo naa abakh té é ne nkulan nge ki é ne aparato été
-
Voleghe é moan wiè naa a kômane éyalane a ye ve ésulan ya bifiè bièñ.—Mat. 21:15, 16
-
Kobeghe ya é moan wiè abuan bia ñong bisulan ya meyeghle bia ñong wèñ
-
Voleghe é boan buè naa be bo bisèñ bi ye ékôan ane a ve nda ékôan nfuban, ye fe naa be vebane naa ba kobe ya beñabôrô be ye ékôan
A vole é boan buè naa be yire Jehôva bébéñ da sili abuiñ ésèñ, é ne fe bo tam ézing ndzukh. Ve dèè, ô ne bele mebun ye avole Jehôva.—Esaïe 40:29.
DAGHANE ÉNGENGENG, ANE BEBYÈÑ, A YEGHBE ÉBE JEHÔVA Y’É NGU’U DZÉÑ, ÉYONG TÉ MIA YALANE MINSILI MIA ZU MI :
-
Amu naa Zack ya Leah be mbe mvôran, dzam té é nga ve be naa be bo dzé ?
-
Amu dzé bebyèñ ba yiène dzaa Jehôva naa a ve be ngu’u ?
-
Aval avé Zack ya Leah be nga bele mebun ébe Jehôva naa mam me wulu be mbeng ?
