Adze kor a awofo botum ayɛ dze aboa hɔn mba ma wɔdze dza Jehovah dze kyerɛkyerɛ hɔn no ayɛ edwuma nye dɛ, wɔbɔboa hɔn ma woeenya asafo nhyiamu ahorow no do mfaso. Mbofra dze, dza wohu, wɔtse, nye mbuae a wɔma wɔ asafo nhyiamu ase no botum aboa hɔn ma woeesua Jehovah ho adze na wɔafa no nyɛnko. (De 31:​12, 13) Sɛ eyɛ ɔwofo a, ibesi dɛn aboa wo ba ma woeenya asafo nhyiamu do mfaso kɛse?

• Bɔ mbɔdzen kɔ asafo nhyiamu wɔ Ahendzi Asa do. —Nd 22:22

• Ansaana adzesua bɛhyɛ ase no, enye enuanom mbɔ nkɔmbɔ na wɔpon so a yɛ dɛmara.—Heb 10:25

• Hwɛ hu dɛ wo mba no mu biara wɔ nwoma a yebosua wɔ asafo nhyiamu ase no bi; ibotum ama hɔn dza woetsintsim no bi anaa ama wɔatwe elɛktrɔnek dze no bi

• Boa wo ba no ma nankasa mfa ne nsɛm nsiesie mbuae a ɔbɛma.—Mt 21:​15, 16

• Ka asafo nhyiamu nye dza yesua wɔ hɔ no ho asɛm pa

• Sɛ worisiesie Ahendzi Asa do a, ma wo mba no nyɛ bi, na hyɛ hɔn nkuran ma wɔnye enuanom a hɔn enyi efir mbɔ nkɔmbɔ

Ɔgye mbɔdzembɔ kɛse ana eetum aboa wo mba ma wɔnye Jehovah enya ebusuabɔ a no mu yɛ dzen, na ɔtɔ da a iyi ne yɛ botum ayɛ dzen. Naaso nya awerɛhyɛmu dɛ Jehovah bɔboa wo.—Isa 40:29.

HWƐ VIDEO A WƆATO DZIN AWOFO, HOM MFA HOMHO NTO JEHOVAH DO NA ƆBƐHYƐ HOM DZEN NO, NA YIYI NSƐMBISA A ODZIDZI DO YI ANO:

• Osiandɛ nna Zack na Leah berɛ ntsi, ebɛn haw na nkyɛ ɔrekɛfa aba?

  Wo mbuae

• Ebɛnadze ntsi na ɔsɛ dɛ awofo dze hɔnho to Jehovah do ma ɔhyɛ hɔn dzen?

  Wo mbuae

• Ebɛn ndzɛmba na Zack nye Leah yɛe dze kyerɛɛ dɛ wɔdze hɔnho ato Jehovah do?

  Wo mbuae