NODA BULA VAKARISITO
Ra iTubutubu—Vukei Luvemu me Rawata na Vuku vaKalou
Dua na sala vinaka mera vukei luvedra kina na itubutubu mera rawata na vuku vakalou, oya me yaga vei ira nodra tiko ena soqoni vaKarisito. Na ka era raica na gone, rogoca, kei na nodra ivakamacala ena soqoni era na vulica kina na veika me baleti Jiova, mera veitokani voleka tale ga kei koya. (Vkr 31:12, 13) Ke o itubutubu, o na vukei luvemu vakacava me yaga vua na soqoni?
-
Sasaga mo lako ena soqoni.—Sm 22:22
-
Vakadeitaka mo dau veimaliwai ena Vale ni Soqoni ni bera na soqoni se ni sa oti.—Ipe 10:25
-
Vakadeitaka me tiko na nodratou ilavelave ni ivola e vulici ena soqoni, se kena ena iyaya vakalivaliva
-
Vukei luvemu me vakarautaka na nona ivakamacala ena nona vosa ga.—Mac 21:15, 16
-
Dau tukuna na yaga ni soqoni kei na ka o vulica kina
-
Vukei luvemu me dau vakaitavi ena samaki ni Vale ni Soqoni, me dau veivosaki tale ga kei ira na itabaqase ena ivavakoso
E cakacaka levu nomu vukei luvemu me veivolekati kei Jiova, eso na gauna ena sega ni rawarawa. Ia mo nuidei ni na vukei iko o Jiova.—Ais 40: 29.
ME SARAVI NA VIDIO KEMUNI NA ITUBUTUBU, NUITAKI JIOVA ME VAKAUKAUATAKI KEMUNI, QAI SAUMA NA TARO QO:
-
E vakaleqa vakacava nodrau bula o Saki kei Lia na nodrau wawale?
-
Na cava mera nuitaka kina na itubutubu na kaukaua i Jiova?
-
Sala cava e vukei Saki kina kei Lia o Jiova?
