Ali ɖagbe hú gǎn e nu mɛjitɔ́ lɛ́ sixú d’alɔ vǐ yětɔn lɛ́ bɔ yě ná ɖó nǔnywɛ́ e nɔ gosín Mawu gɔn é ɖe é ɖokpó wɛ nyí ɖɔ yě ná d’alɔ vǐ yětɔn lɛ́ bɔ yě ná nɔ ɖu kplé lɛ́ sín vǐví. Nǔ e yɔkpɔ́vú lɛ́ nɔ mɔ, nɔ se bo nɔ lɛ́ ɖɔ ɖo xósin yětɔn lɛ́ hwenu é sixú d’alɔ yě bɔ yě ná kplɔ́n nǔ dó Jexóva wú, bo lɛ́ húzú xɔ́ntɔn vívɛ́ tɔn lɛ́. (Sɛ́ 31:12, 13) Ényí mɛjitɔ́ wɛ nú we ɔ, nɛ̌ a ka sixú d’alɔ vǐ towe bɔ é ná nɔ ɖu vǐví kplé lɛ́ tɔn ganjí hú gǎn gbɔn?

• Nɔ dó gǎn dó nǔjɔnǔ mɛ bo nɔ yi kplé lɛ́ tlɔlɔ ɖo kpléxɔ Axɔ́súɖuto ɔ tɔn mɛ.—Ðɛ 22:23

• Nɔ ɖe hwenu ɖó vo jɛ nukɔn nú kplé lɛ́ alǒ ɖo kplé lɛ́ gúdo, bo nɔ ɖɔ xó e ná dó wǔsyɛ́n lanmɛ nú mɛ lɛ́ é ɖó kpɔ́ xá nɔví súnnu kpó nɔví nyɔ̌nu kpó towe lɛ́.—Eb 10:25

• Tɛ́n kpɔ́n nú mɛ e ɖo xwédo ɔ mɛ lɛ́ é bǐ ní nɔ ɖó wěma e kplɔ́n wɛ è ɖe ɖo kplé ɔ jí lɛ́ é, é sixú nyí ɖo alǒkan lɔ jí, alǒ ɖo zǐnzín lɔ jí

• D’alɔ vǐ towe bónú é ní nɔ sɔ́ nǔ nú xósin tɔn ɖo xógbe éɖésúnɔ tɔn mɛ.—Mt 21:15, 16

• Nɔ ɖɔ xó ɖagbe lɛ́ dó kplé lɛ́ kpó nǔ e mǐ nɔ kplɔ́n ɖo yě hwenu lɛ́ é kpó wú

• D’alɔ vǐ towe lɛ́ bónú yě ní nɔ ɖ’alɔ ɖo azɔ̌ lěhun lɛ́ mɛ: Kpléxɔ Axɔ́súɖuto ɔ tɔn jíjláɖó kpó xó ɖiɖɔ ɖó kpɔ́ xá mɛxómɔ e ɖo agun ɔ mɛ lɛ́ é kpó

Alɔ dídó vǐ towe lɛ́ bónú yě ná vɛ́ kpó Jexóva kpó nɔ byɔ́ azɔ̌ gěgé, bɔ hweɖélɛ́nu ɔ, mɔ̌ wiwa sixú hú agbɔ̌n we. Amɔ̌, a sixú gán jɛ Jexóva wú nú é ná d’alɔ we.—Eza 40:29.

KPƆ́N VIDEO MƐJITƆ́ LƐ́ È MI: MI NƆ GÁN JƐ JEXÓVA KPÓ HLƆ̌NHLƆ́N TƆN KPÓ WÚ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Étɛ́ nǔcikɔnúmɛ ka wa dó Zack kpó Leah kpó wú?

  Xósin towe

• Étɛ́wú mɛjitɔ́ lɛ́ ka ɖó ná nɔ ba hlɔ̌nhlɔ́n ɖo Jexóva gɔ́n?

  Xósin towe

• Ali tɛ́ nu Zack kpó Leah kpó ka gán jɛ Jexóva wú bɔ mɛjitɔ́zɔ́ yětɔn kpa yě ɖe?

  Xósin towe