VI A ON KRÉTYEN
Paran, édé timoun a zòt ni sajès a Bondyé
Yonn adan sé méyè mwayen-la pou sé paran-la édé timoun a yo ni sajès a Bondyé, sé lè yo ka aprann-yo pwofité dè sé réinyon krétyèn la. Sa sé jenn-la ka vwè, ka tann é ka di adan komantè a yo pannan sé réinyon-la pé édé-yo aprann konnèt Jéova é vin zanmi a-y (Dét 31:12, 13). Si ou sé on paran, kijan ou pé édé timoun a-w pwofité anplen dè sé réinyon-la ?
-
Fè tousa ou pé pou asisté réinyon an prézansyèl (Sòm 22:22).
-
Òwganizé-w pou pwofité dè bèl konpanni a sé frè é sè la adan sal di Wayòm la avan oben apré réinyon-la (Éb 10:25).
-
Fè ansòt pou chakmoun an fanmi-la ni sé piblikasyon-la nou kay étidyé adan réinyon-la, ki sé an vèwsyon élèktwonik, ki sé an vèwsyon papyé.
-
Édé timoun a-w préparé on komantè èvè mo a-y ki ta-y (Mat 21:15, 16).
-
Palé anbyen dè sé réinyon-la é dè ansègnman-la nou ka rèsèvwa adan yo la.
-
Édé timoun a-w pawtisipé adan vi a lasanblé-la, pa ègzanp ankourajé-yo bay on pal adan nétwayaj a sal di Wayòm la é a palé èvè frè é sè ki ja ni on bèl laj adan lasanblé-la.
Sa ka mandé onlo éfò pou édé timoun a-w rapwoché-yo dè Jéova, é délè sa pé ka kasé 2 bra a-w. Men ou pé konté asi èd a Jéova (Iz 40:29).
GADÉ VIDÉO-LA PARAN, APIYÉ-ZÒT ASI JÉOVA É ASI FÒS A-Y, APRÉSA RÉPONN A SÉ KÈSYON-LASA :
-
Kijan fatig-la té ka aji asi Zack é madanm a-y ?
-
Poukwa sé paran-la dwètèt mandé Jéova ba-yo fòs ?
-
Kijan Zack é madanm a-y apiyé asi Jéova ? Bay déotwa mannyè.
