LAVI AN KRÉTJEN
Paran, endé yich-zòt trapé sajès Bondié
Yonn adan méyè mwayen ki ni pou lé paran endé timanmay-yo trapé sajès Bondié, sé aprann yo bien pwofité sé réyinion lasanblé-a. Sa sé jenn-lan ka wè, ka tann épi ka di pandan sé réyinion-an, ka pèwmèt yo aprann konnèt Jéova é vini zanmi’y (Dt 31:12, 13). Si’w ni timanmay, koumanniè ou pé endé’y bien pwofité di sé réyinion-an ?
-
Fè tousa ou pé pou vini réyinion an prézansièl (Sm 22:22).
-
Pran tan avan ouben apré réyinion-an pou ankourajé kòzòt yonn a lòt (Éb 10:25).
-
Asiré kòw chak moun lafanmi’w ni sa ki fo pou suiv réyinion-an, kisiswa anlè papié ouben aparèy élèktwonik.
-
Endé timanmay-ou préparé an répons épi pwòp mo’y (Mt 21:15, 16).
-
Palé an bien di sé réyinion-an èk lansèyman-an nou ka risivrè.
-
Endé timanmay-ou pran pa adan aktivité lasanblé-a, kontèl ankourajé’y partisipé adan nétwayaj sal Wayòm-lan épi palé épi sé gran-moun lan adan lasanblé-a.
Endé timanmay-ou vini pli pré Jéova ka mandé anpil travay, é pétèt délè ou ka santi sa two fò ba’w. Men ou pé konté anlè Jéova pou endé’w (Iz 40:29).
GADÉ VIDÉWO-A PARAN, APIYÉ ANLÈ JÉOVA ÉPI ANLÈ FÒS-LI, APRÉ RÉPONN SÉ KÈSION-TALA :
-
Lè Zack épi madanm-li té las, koumanniè yo té yé ?
-
Poutji lé paran dwé mandé Jéova ba yo lafòs ?
-
Ki manniè Zack épi madanm-li apiyé anlè Jéova ?