GE TÕÓ DÙM DÌ BELÍ GBÒ E GÉ NYOONE NVÉÈ KRÁÌST
Gbò Tẹ̀ Nè Kà—Nveenii Bá Nei Bọọ Gbò Nvín Kọ Bàá Ié Nyìmànù Bàrì
Ene kà pọ̀bkà sĩ́deè e gbò tẹ̀ nè kà é láá nvèè bá nè ba gbò nvín kọ bàá ié nyìmànù Bàrì dú gè nvèè bá nè va kọ bàá ié bélè lọl ló bẹẹ gbò nònù. Bel e gbò nvín ãa áálá, nú e bà dã́, vaá mòn gbẹá nònù, é láá nvèè bà nè va kọ bàá nó nú ea kil ló Jìhóvà vaá dú a díì-díílá kóò. (Dìt. 31:12, 13) Be ò dúù tẹ̀ àbèè kà, mósĩ́ deè ní eo é láá nvèè bá nè o nvín kọ á ié bélè lọl ló nú ea gé nó gbẹá nònù ẽ?
-
Pììgà ge sí bẹẹ gbò nònù gbẹá Kíndòm Họ́ọ̀l.—Ps. 22:22
-
Piigai gè zọi pá vígà loai bel gbẹá Kíndòm Họ́ọ̀l besĩ́ nònù kálá dààà togó àbèè tṍó e nònù ni íná kùbmà.—Híb. 10:25
-
Mòn kọọ̀ buù nen ea di bọọ tọ íe gbò kpá e bàé nó gbẹá nònù, ní e ba beè naa príǹt àbèè níí boo fóòn
-
Nvèè bá nè o nvín kọ á kpoogá dee ló nyòòmà bel ea é áálá gbẹá nònù.—Máát. 21:15, 16
-
Olòó ló lé bel ea é síè kpóó ló nen ea kil ló bẹẹ gbò nònù vaá ò kọ́ gbò lé nu eo beè nó gbẹá nònù
-
Nvèè bá nè pá o nvín kọ bàá dõ̀ònà tõ̀ò ló tóm ea gé síá Kíndòm Họ́ọ̀l, dì belí gè õ̀ònà ló kẽ, vaá zọ̀ gbò e ba ni tú gã́bug gbáá fã̀àmà Jìhóvà e bà di mm̀ bõ̀ònatõ̀ò loá bel
Gã́bug tóm bãàa mm̀ ge nvèè bá nè pá o nvín kọ bàá láá tõo bã kpàn Jìhóvà, vaá sìgà tṍó gè naa vó é láá tàvàlà, sõò òó láá ié nvèè bá lọl bá Jìhóvà.— Àìz. 40:29.
Ẹ̀B VÍDIÒ EA KỌLÀ GBÒ TẸ̀ NÈ KÀ, DẸẸAÍ BOO JÌHÓVÀ NÈ A KÓI, VAÁ Ò GBÓÓ AALÁ NAGBÒ BÍBVÍ:
-
Éé ní e ọ́ọ́-ọọ̀ ló beè naá ló Zack nè Leah ẹ?
-
Éé ní ea náa vaá tẹ̀ nè kà é gbĩ́ nvèè bá lọl bá Jìhóvà ẹ?
-
Éé ní Zack nè Leah beè naa mm̀ ge dọ̀ bẹ̀là Jìhóvà kọbé bà láá bé èlbá ẹ́?