Ovi lẹ gán mọ nuyọnẹn Jiwheyẹwhe tọn yí eyin mẹjitọ lẹ nọ gọalọna yé nado nọ mọaleyi sọn opli lẹ mẹ. Nuhe yọpọvu lẹ nọ mọ, nọ sè bo nọ dọ to gblọndo yetọn lẹ mẹ to opli ji gán gọalọna yé nado yọ́n Jehovah bo lẹzun họntọn vivẹ́ etọn lẹ. (De 31:12, 13) Eyin mẹjitọ de wẹ a yin, etẹlẹ wẹ a gán wà na ovi towe nido nọ mọaleyi sọn opli lẹ mẹ to gigọ́ mẹ?

• Nọ wà nuhe go a pé lẹpo nado nọ yì opli lẹ nukun-sọ-nukun.—Slm 22:22

• Nọ pò whenu dai nado nọ duvivi gbẹdido mẹjlọdote tọn jẹnukọnna opli lẹ kavi to opli lẹ godo to Plitẹnhọ Ahọluduta tọn mẹ.—Heb 10:25

• Nọ hẹn ẹn diun dọ hagbẹ whẹndo lọ tọn dopodopo do vọkan owe he yè na zan to opli lọ whenu lẹ tọn, vlavo owe lọ tlọlọ kavi to nuyizan lẹtliki tọn ji

• Nọ gọalọna ovi towe nado wleawuna gblọndo de to hogbe etọn titi mẹ.—Mt 21:15, 16

• Nọ dọho dagbe opli po nuplọnmẹ he mí nọ mọyi to finẹ lẹ po tọn

• Nọ gọalọna ẹn nado nọ do mahẹ to wiwejininọ Plitẹnhọ Ahọluduta tọn po nuwiwa mọnkọ devo lẹ po mẹ, podọ nado nọ dọhodopọ hẹ mẹhomẹ he to agun lọ mẹ lẹ

Alọgigọna ovi de nado dọnsẹpọ Jehovah nọ kàn dẹpẹ biọ bo tlẹ gán nọ húagbọ́mẹ to whedelẹnu. Amọ́, a gán deji dọ Jehovah na gọalọna we.—Isa 40:29.

PỌ́N VIDEO LỌ TAIDI MẸJITỌ LẸ, MÌ NỌ GANJẸ JEHOVAH PO HUHLỌN ETỌN PO GO, ENẸGODO NA GBLỌNDO NA KANBIỌ HE BỌDEGO LẸ:

• Na onú nọ ṣikọna asu po asi po lọ wutu, etẹwẹ yin kọdetọn lọ?

  Gblọndo towe

• Naegbọn mẹjitọ lẹ dona nọ ganjẹ Jehovah go nado mọ huhlọn yí?

  Gblọndo towe

• Aliho tẹlẹ mẹ wẹ asu po asi po lọ ganjẹ Jehovah go te?

  Gblọndo towe