Dhɩ ˈdhɔɛe aˈ kpɔ dhueˈ ˈˈɲuunbhleʋn ˈbhɛɛa ʋʋ ˈyea nʋn ˈˈdhe ʋaˈ ˈˈɲnuun ˈyea tɔˈdhinɩɛn- ˈghwlʋa ˈe Ɲɔnsoa bho ˈbhle ɛ, ɛmɛn- -nɩn ʋʋ ˈyʋbʋ sʋn bho po ʋʋ ˈye ˈˈdhruigbooɛ trɔnˈ ˈdhi ˈjhee-. Dhɩ ˈˈɲnumɩɩnˈˈ an ˈjhea, ʋa ˈŋwɔan, dɩ ʋa ˈtmʋan -bho ʋa sa ˈe dɩ za ˈdhe ˈˈdhruigbooɛ ˈmʋn ɛnˈ, ɩn ˈbhɛɛˈ ɩn ˈyʋbʋ sʋn bho po ʋʋ ˈye Zoova jhibho- ˈˈdhe ʋʋ -nɩn ɔ ˈye -jhbhɛʋn -nɩn. (Dt 31:​12, 13) -Bho -nɩn ˈˈɲnuunbhlei ɛˈ, -kawɛ ˈbhɛɛ ˈye -manˈ ˈˈjhu sʋn bho po ˈˈdhe ɔ ˈye ˈˈdhruigbooɛ ˈjɛɛn ˈdhi ˈjhee- -ɛ?

• Po ˈe ˈkpɩ ˈye ˈˈdhruigbooɛ ˈmʋn mun ˈdhe ˈˈdhruigboogbu ˈdhi.—Ps 22:22

• -Bho ˈˈdhruigbooɛ ˈse -dee ke -aeˈˈ -bho ˈˈdhruigbooɛ -gwɛ jha aˈ, ˈˈdhuo- nɔnˈˈ ˈmʋn -nɩn -manˈ ˈdhoudhi -ˈˈwe ˈye -mawa bhla -kajɔɔnka.—Hé 10:25

• Dee- -man ˈˈgbuzɔncɛ i dhueˈ dhueˈ -bho ʋʋ ˈbhle ˈsɛɛ- ɲʋn ˈyea ˈcɩan ˈdhe ˈˈdhruigbooɛ ˈmʋn ˈdhe ʋaˈ telefɔnɩn ˈdhi -aeˈˈ ʋʋ ˈbhle ɛˈ -jɛn ɲʋn bhla ˈbho maazɩɩn ˈŋwɔn ɔnˈ.

• Po -manˈ ˈˈjhu sʋn bho ɔ ˈye dɩ ɔ ˈyea ˈe -za ˈdhe ˈˈdhruigbooɛ ˈmʋn ˈcɩan -kajɔɔnka ˈˈdhe ɔ ˈye ɩanˈ dɩ ˈtmʋn ˈdhe ɔɔˈ ˈˈjɛ ɛˈ -ghwlusʋn ˈdhi.—Mt 21:​15, 16

• ˈTmʋn ˈˈdhruigbooɛ -e dhɩ -man ˈcɩan ˈdhemɔn ɔnˈ ˈɲnɩn -jɛɩn.

• Po -manˈ ˈˈɲnuun sʋn bho ʋʋ -nɩn ˈdhoudhi -gɩlɩˈˈ -ˈˈwe ˈye -mawa bhla ˈˈdhe dhbho -ɩn nɩan ɲɔnsoagbu aˈ ˈdhii -ghwooɛ, ʋʋ ˈye ɩanˈ dhɩ tu nʋn -ke.

Po -manˈ ˈˈɲnuun sʋn bho ˈˈdhe ʋʋ ˈye Zoova i ˈkpaa- a, ɛɛˈ nʋanˈ an deeɛ dhbho -duuˈˈ i. -Zɔn -ˈnɔɔn ɛ ˈbhɛɛˈ ɛ ˈye ʋn ˈkpɩi dhbhaˈ. Ɛ nɩan -kaˈ aˈ, dee- Zoova sʋnbhopoɛ- i.​—Is 40:29.

-ˈJHE VIDEO NƆN IN ˈˈƝNUUBHLEƲN-, AƲ DE ZOOVA -E ƆƆˈ ˈˈƖKMAN -GWLƖˈˈ -ˈMƐN -ZA ˈE IDEEDƖ- NƖAN DA ˈZƆN DA:

• Dhɛwɛ- seaˈ nʋn Zakɩ -e Lea ˈˈdhrui -ɛ?

  -Za ˈe ideedɩ- -ˈnɩn da

• -Bho ˈˈɲnuunbhleʋn ˈye ˈkpɩ ˈbhle ɛˈ, dhɛɛdɩ- ʋʋ ˈye ˈe Zoova bho ˈˈbhile- -ɛ?

  -Za ˈe ideedɩ- -ˈnɩn da

• Zakɩ -e Lea dea Zoova -gwlɩˈˈ ɛ, -kawɛ ɔ nʋn ʋbʋ aˈ sʋn bho -po sʋn -ɛn?

  -Za ˈe ideedɩ- -ˈnɩn da