Kukwe keteitibiti monsotre dimika raba nemen bäri töbätä Ngöbö ngwärekri ye abokän, kukwebätä ja kitata gätäte yebiti niaratre dimika raba mike täte. Dre tuata kwetre, dre kukwe nuata kwetre aune tätre blite gätäte ye raba niaratre dimike, Jehová mike gare bäri kwin jai aune nemen ja ketamuko kwe (Dt 31:​12, 13). Akwa, ¿mä raba monsotre mäkwe dimike ño, ja kite kukwe jökrä nieta gätäte yebätä?

• Mäkwe käre ja di ngwan kwankäre gätäbätä ngwärere (Sl 22:22).

• Mäkwe monsotre mäkwe dimika ne kwe tädre ja mräkätrebe Ju Ja Ükarakrö yete gätä känenkri o gätä bitikäre (Heb 10:25).

• Täräkwata gätä kräke ye tädre jene jene kwetre ye mäkwe mika gare jai (Täräkwatare o celularete).

• Mäkwe monsotre mäkwe dimika ja kite kwin blitakäre gätäte ja kukwe jeñebiti (Mt 21:​15, 16).

• Gätä nuainta yebätä käre mäkwe blita kwin aune dre drieta kwe yebätä.

• Mäkwe monso mäkwe dimika kukwe ruäre nuainkäre, ñodre ju ja ükarakrö mike mrebe o blite ja mräkätre niena umbre yebe.

Mä raba nemen di nekä, ñobätä ñan aune mäkwe monso mäkwe dimikadre nökrö Jehová ken ye sribi kri krubäte mä rabadre nütüre. Akwa mä ñan tä kaibe, Jehovakwe mä dimikai (Is 40:29).

VIDEO NITRE RÜNE, JEHOVAKWE JA DI BIAN MÄI YEI TÖ NGWEN YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Miguel aune Lidia nämäne nemen nainte ye köböite dre nämäne nemen bare?

  Mike gare

• ¿Ñobätä nitre rüne rabadre ja dimikamana Jehovai?

  Mike gare

• ¿Miguel aune Lidia dre nuainbare Jehovakwe dimikadre yekäre?

  Mike gare